തിരുവനന്തപുരം:ശബരിമല നെയ്യ് ക്രമക്കേടില് സമഗ്ര അന്വേഷണം ആവശ്യപ്പെട്ട് ദേവസ്വം മന്ത്രി കെ. മുരളീധരന് ആഭ്യന്തര മന്ത്രിക്ക് കത്ത് നല്കി.ഹൈക്കോടതി നിര്ദ്ദേശാനുസരണം വിജിലന്സിന്റെ പ്രത്യേക സംഘം അന്വേഷണം നടത്തുന്നുണ്ട്.
ദേവസ്വം വിജിലന്സ് എസ്പിയും സെക്രട്ടറിയും നടത്തിയ അന്വേഷണത്തില് ഞെട്ടിക്കുന്ന ക്രമക്കേടുകള് കണ്ടെത്തിയെന്ന് മന്ത്രി കത്തില് ചൂണ്ടിക്കാട്ടി. കരിമ്പട്ടികയില്പ്പെട്ട കമ്പനിക്ക് കരാര് ലഭിച്ചതില് ഉന്നത ഗൂഢാലോചന സംശയിക്കുന്നു.
വിജിലന്സ് അന്വേഷണത്തില്പ്പെടാത്തവ പ്രത്യേക സംഘം അന്വേഷിക്കണമെന്നാണ് കത്തിലെ ആവശ്യം. നിലവാരമില്ലാത്ത നെയ്യ് വിതരണം ചെയ്ത് കോടികളുടെ ക്രമക്കേടുകള് നടത്തിയെന്നാണ് ആരോപണം.
