കാസർകോട് : കാസർകോട് എം.ഡി.എം.എ. കേസിലുൾപ്പെട്ട പെരുമ്പാവൂർ സ്വദേശികളായ അബ്ദുൾ സലാം, മുഹമ്മദ് ഹുസൈൻ എന്നിവരുമായി കോൺഗ്രസ് പ്രമുഖ നേതാക്കൾക്കും , മുഖ്യമന്ത്രി വി.ഡി. സതീശനും അടുത്ത ബന്ധമെന്ന് സൂചന. ഇവർക്കൊപ്പം മുഖ്യമന്ത്രി സൗഹൃദം പുലർത്തുന്ന ദൃശ്യങ്ങളും പുറത്ത് വന്നു.
മുൻപ് യൂത്ത് കോൺഗ്രസ് ഭാരവാഹികളായ ഇരുവരും എറണാകുളം പറവൂരിലെ വി.ഡി. സതീശന്റെ വീട് ഇവർ സ്ഥിരമായി സന്ദർശിച്ചിരുന്നതായി സൂചനയുണ്ട്. സതീശൻ ഇവരുടെ കൈപിടിച്ച് നടക്കുന്ന ദൃശ്യങ്ങളും പുറത്ത് വന്നു. സലാമിന്റെ വീട് സതീശൻ സന്ദർശിച്ചതിന്റെ വീഡിയോകൾ പ്രതികൾ മുൻപ് സോഷ്യൽ മീഡിയയിൽ റീൽസുകളായി പങ്കുവെച്ചിട്ടുമുണ്ട്.ഹുസൈന്റെ ഇൻസ്റ്റഗ്രാം പ്രൊഫൈലിൽ ‘സതീശൻ ടീം സോഷ്യൽ മീഡിയ കോർഡിനേറ്റർ’ എന്നാണ് ഇപ്പോഴും രേഖപ്പെടുത്തിയിരിക്കുന്നത്. വി.ഡി. സതീശന്റെ ഔദ്യോഗിക പേജുകൾ കൈകാര്യം ചെയ്തിരുന്നത് ഹുസൈനാണെന്നാണ് സൂചന.
നിയമസഭയിൽ വെച്ച് കുഞ്ഞാലികുട്ടി അബ്ദുൾ സലാമിന്റെ കൈപിടിച്ചു നടക്കുന്ന ദൃശ്യങ്ങൾ പുറത്തുവന്നിട്ടുണ്ട്. പെരുമ്പാവൂർ എം.എൽ.എ. മനോജ് മൂത്തേടൻ, എൽദോസ് കുന്നപ്പിള്ളി, കൊച്ചിയിലെ നേതാവ് മുഹമ്മദ് ഷിയാസ് തുടങ്ങിയവരുമൊത്ത് ഇരുവരും അടുത്ത ഇടപഴകുന്ന ചിത്രങ്ങളും സ്റ്റോറികളും സോഷ്യൽ മീഡിയയിൽ പങ്കുവെച്ചിട്ടുണ്ട്.
