തിരുവനന്തപുരം : സംസ്ഥാനം ഭരിക്കുന്ന മുഖ്യമന്ത്രിയെ പോലും വെല്ലുവിളിക്കുന്ന തരത്തിൽ വളർന്ന കൊടും ക്രിമിനൽ അർജുൻ ആയങ്കിയെ തൊടാൻ പോലുമാകാതെ കേരള പൊലീസ് . കഴിയുമെങ്കിൽ തന്നെ പിടികൂടൂവെന്ന് അർജുൻ ആയങ്കി വെല്ലുവിളി മുഴക്കി 48 മണിക്കൂർ കഴിഞ്ഞിട്ടും യാതൊന്നും ചെയ്യാൻ കഴിയാത്ത പൊലീസുകാർക്കെതിരെ ജനരോഷം ശക്തമാകുകയാണ്.
അർധരാത്രി വീട് വളഞ്ഞ് സ്ത്രീകളെയും, കുട്ടികളെയുമടക്കം ഭീഷണിപ്പെടുത്തി ബിജെപി കൗൺസിലർ സുഗതനെ അറസ്റ്റ് ചെയ്യാൻ കാണിച്ച മിടുക്കിന്റെ പത്തിലൊന്ന് ഉണ്ടായിരുന്നെങ്കിൽ അർജുൻ ആയങ്കി ഇന്ന് മര്യാദക്കാരനായി ജയിലിൽ കഴിഞ്ഞേനെയെന്നാണ് നാട്ടുകാർ പറയുന്നത് .
കേരളത്തിൽ എന്തുമാകാമെന്ന് ഇത്തരം ക്രിമിനലുകൾക്ക് മനസിലായി കഴിഞ്ഞുവെന്നും , ഉത്തർപ്രദേശോ, ബംഗാളോ ആയിരുന്നെങ്കിൽ മുഖ്യമന്ത്രിയെ വെല്ലുവിളിക്കാൻ പോയിട്ട് ചൂണ്ടുവിരൽ അനക്കാൻ പോലും അർജുൻ ആയങ്കി അല്ല ഏത് കൊടികെട്ടിയ ക്രിമിനലും ഒന്ന് വിറയ്ക്കുമെന്നും മലയാളികൾ പറയുന്നു. ‘ പെൻഷൻ വാങ്ങി ശിഷ്ടകാലം നിന്നെ ജീവിക്കാൻ അനുവദിക്കില്ലെന്ന് ‘ പോലീസുകാരനെ പോലും ഭീഷണിപ്പെടുത്തിയിട്ടും അർജുൻ വിലസുന്നുണ്ടെങ്കിൽ അതിന് കാരണ ഇവിടുത്തെ പോലീസുകാർ തന്നെ . പോലീസുകാർക്കിടയിലെ ചുവപ്പ് പടകൾ തന്നെയാണ് അർജുൻ ആയങ്കിയ്ക്ക് കാവലായി നിൽക്കുന്നതെന്നും സംശയമുണ്ട്.
