മാഞ്ചസ്റ്റര്‍: ലോകകപ്പ് ഫുട്‌ബോള്‍ 2026 വിജയ ടീം സ്‌പെയിനിന്റെ ക്യാപ്റ്റനും ടൂര്‍ണമെന്റില്‍ മികച്ച താരത്തിനുള്ള സ്വര്‍ണ പന്ത് സ്വന്തമാക്കുകയും ചെയ്ത റോഡ്രിക്കായി സ്പാനിഷ് ക്ലബ്ബ് എഫ്‌സി ബാഴ്‌സിലോണ ശക്തമായി രംഗത്ത്. റോഡ്രിക്കായി 45 ദശലക്ഷ്യം യൂറോ നല്‍കാമെന്നാണ് ബാഴ്‌സ മുന്നോട്ട് വച്ച ആവശ്യം. എന്നാല്‍ ഇത് പോരെന്നാണ് സിറ്റി നിലപാട്.
റോഡ്രിയെ ബാഴ്‌സയ്‌ക്ക് കൈമാറാന്‍ 81 ദശലക്ഷ്യം ഡോളര്‍ വേണ്ടിവരുമെന്നാണ് സിറ്റി ആവശ്യപ്പെടുന്നത്. എന്നാല്‍ 2019ല്‍ അത്‌ലറ്റിക്കോ മാഡ്രിഡില്‍ നിന്നും റോഡ്രി സിറ്റിയിലേക്ക് പോയപ്പോള്‍ ഒരു വ്യവസ്ഥ ഉണ്ടായിരുന്നതായി വാര്‍ത്തകള്‍ പ്രചരിക്കുന്നുണ്ട്. സിറ്റി പരിശീലക സ്ഥാനത്ത് നിന്ന് പെപ്പ് ഗ്വാര്‍ഡിയോള പിന്‍മാറി കഴിഞ്ഞാല്‍ റോഡ്രി തിരിച്ച് സ്പാനിഷ് ടീമിലേക്ക് എത്താം എന്നായിരുന്നു വ്യവസ്ഥ. അന്ന് പെപ്പിന്റെ നിര്‍ബന്ധപ്രകാരമാണ് റോഡ്രിയെ സിറ്റിയിലേക്കെടുത്തത്.
റോഡ്രിയെ ടീമില്‍ കിട്ടിയാല്‍ നന്നായിരിക്കുമെന്ന ആവശ്യവുമായി റയല്‍ മാഡ്രിഡ് പരിശീലകന്‍ ഹോസെ മൗറിഞ്ഞോ പറഞ്ഞു. എന്നാല്‍ താരത്തെ ആവശ്യപ്പെട്ട് ബാഴ്‌സ രംഗത്തെത്തിയ സാഹചര്യത്തില്‍ എന്താണ് സംഭവിക്കുന്നതെന്ന് കാത്തിരിക്കുകയാണെന്ന് മൗറീഞ്ഞ പ്രതികരിച്ചു. റയലിന്റെ ഇപ്പോഴത്തെ അവസ്ഥയില്‍ ഡിഫെന്‍സീവ് മിഡ്ഫീല്‍ഡ് പൊസിഷനില്‍ റോഡ്രിയെ പോലൊരു താരം അത്യാവശ്യമാണെന്നും മൗറിഞ്ഞോ പറഞ്ഞു.
ലോകകപ്പ് ഫുട്‌ബോളില്‍ സ്‌പെയിന്റെ നീക്കങ്ങളുടെയെല്ലാം തുടക്കം റോഡ്രിയില്‍ നിന്നായിരുന്നു. റോഡ്രി-കുക്കുറേയ-ഓല്‍മോ ത്രയത്തില്‍ നിന്നുള്ള നീക്കങ്ങള്‍ ചെന്നെത്തുന്നത് ലാമീന്‍ യമാലിലാണ്. വലത് വിങ്ങില്‍ നിന്ന് യമാല്‍ ഫിനിഷിങ്ങിലേക്കെത്തിക്കുന്ന വിധത്തിലായിരുന്നു സ്പാനിഷ് ടീമിന്റെ ലോകകപ്പ് ആക്രമണ പദ്ധതികള്‍. എതിരാളികളെ ശ്വാസം മുട്ടിക്കുന്ന തരത്തിലുള്ള ഈ മുന്നേറ്റത്തിന്റെ തുടക്കവും സ്വന്തം ഡിഫെന്‍സിനെ ഭദ്രമാക്കി നിര്‍ത്തുന്ന റോഡ്രിയുടെ മികവും പാസിങ്ങിലെ കൃത്യതയും എല്ലാം ചേര്‍ത്താണ് ഫിഫ ലോകകപ്പിലെ മികച്ച താരമായി തെരഞ്ഞെടുക്കപ്പെടാന്‍ ഇടയായത്.
