ഗാസിയാബാദ് ; കച്ചവടം നടത്താനെന്ന പേരിൽ കട വാടകയ്ക്കെടുത്തിട്ട് ഇസ്ലാമിസ്റ്റുകളുടെ നിസ്ക്കാരം . ഗാസിയാബാദിലെ ഖോഡ ശിവ് പാർക്ക് കോളനിയിലെ വാടക കടയിലാണ് കൂട്ട നിസ്കാരം . വിവരം ലഭിച്ചയുടനെ, ഹിന്ദു രക്ഷാ ദൾ പ്രവർത്തകരോടൊപ്പം പ്രദേശവാസികളും സ്ഥലത്തെത്തി . ഇതോടെ നിസ്ക്കാരം നടത്തിയവർ ഓടി രക്ഷപ്പെട്ടു. നിലവിൽ, കടയുടമയുടെ പരാതിയുടെ അടിസ്ഥാനത്തിൽ, പോലീസ് അന്വേഷണം ആരംഭിച്ചു.
സന്ദീപ് ബാഗേലിന്റെ പേരിലുള്ള കടയാണിത് . കഴിഞ്ഞ ദിവസമാണ് ഉച്ചകഴിഞ്ഞ്, കടയ്ക്കുള്ളിൽ കുട്ടികൾ ഉൾപ്പെടെ ധാരാളം ആളുകൾ ഉണ്ടെന്ന് താൻ ശ്രദ്ധിച്ചതെന്ന് സന്ദീപ് പറയുന്നു. അടുത്തേക്ക് ചെന്നപ്പോൾ, 20 ഓളം പേർ അകത്ത് പ്രാർത്ഥിക്കുന്നതായി അദ്ദേഹം കണ്ടെത്തി. സന്ദീപ് ബാഗേൽ ഇതിനെ എതിർക്കുകയും പ്രതിഷേധിക്കുകയും ചെയ്തു. വിവരമറിഞ്ഞ് പ്രാദേശിക ഉദ്യോഗസ്ഥരും ഹിന്ദു രക്ഷാ ദൾ പ്രവർത്തകരും സ്ഥലത്തെത്തി. കട വാടകയ്ക്കെടുക്കുമ്പോൾ ഇത്തരമൊരു നീക്കത്തെ പറ്റി തനിക്ക് അറിയില്ലായിരുന്നുവെന്ന് സന്ദീപ് പറഞ്ഞു
