ചെന്നൈ:ശരിയ്‌ക്കും ഒരു ഭാഗ്യ നടിയാണ് മമിത ബൈജു. ഇപ്പോള്‍ തമിഴ് സൂപ്പര്‍ സ്റ്റാര്‍ സൂര്യയ്‌ക്കൊപ്പം അഭിനയിക്കുന്ന സിനിമയിലെ ആദ്യ ഗാനം പട്ടാമ്പൂച്ചി വന്‍ ഹിറ്റായിരിക്കുന്നു.
സിനിമയിലേക്ക് ചെറിയ റോളുകളില്‍ കടന്നുവന്ന മമതി ബൈജു അതിവേഗത്തിലാണ് നായികാപദവിയിലേക്ക് ഉയര്‍ന്നത്.അതിന് കാരണം പ്രമലു എന്ന സൂപ്പര്‍ ഹിറ്റ് സിനിമയാണ്. പിന്നീട് അഭിനയിക്കുന്ന മിക്ക സിനിമകളും വിജയത്തില്‍ കലാശിച്ചതോടെ മമിതയയുടെ തിരക്ക് കൂടി. ഇപ്പോഴിതാ ആ യാത്ര സൂപ്പര്‍ സ്റ്റാര്‍ സൂര്യയില്‍ എത്തിനില്‍ക്കുന്നു.
വെങ്കി അറ്റ്ലൂരി സംവിധാനം ചെയ്യുന്ന വിശ്വനാഥ് ആൻഡ് സണ്‍സില്‍ നായികയാണ് മമിത ബൈജു. . ചിത്രത്തിന്റെ ആഗോള റിലീസ് 2026 ഓഗസ്റ്റ് 14 ജി വി പ്രകാശ് കുമാർ ആണ് ചിത്രത്തിലെ ഗാനങ്ങള്‍ക്ക് സംഗീതം പകർന്നത്. പുറത്ത് വന്ന, ചിത്രത്തിലെ പട്ടാമ്പൂച്ചി എന്ന ആദ്യ ഗാനം സൂപ്പർ ഹിറ്റായി മാറിയിരുന്നു. റിലീസിന് മുൻപ് തന്നെ 300 കോടിയുടെ ബിസിനസ് നടത്തി റെക്കോർഡ് സൃഷ്ടിച്ചു കൊണ്ടും ഈ ചിത്രം വാർത്തകളില്‍ നിറഞ്ഞിരുന്നു. സൂര്യയുടെ കരിയറിലെ തന്നെ ഏറ്റവും വലിയ പ്രീ റിലീസ് ബിസിനസ് ആണ് ചിത്രം നേടിയത്. ഇതോടെ അന്യഭാഷക്കാരും മമിത ബൈജുവിനെ ഭാഗ്യനടി എന്ന് വിശേഷിപ്പിക്കാന്‍ തുടങ്ങിയിരിക്കുന്നു.
