ന്യൂദല്ഹി: തനിക്കും കുടുംബത്തിനും സുരക്ഷാ ഭീഷണിയെന്ന് പാറ്റ പാര്ട്ടി വക്താവ് സൗരവ്ദാസ് എക്സിലെ ഒരു പോസ്റ്റിലാണ് ആശങ്ക പങ്കുവച്ചിരിക്കുന്നത്. തന്റെ വീട്ടിലേക്ക് ചില യൂട്യൂബര്മാരും മാധ്യമങ്ങളും അതിക്രമിച്ചു കയറുന്നുവെന്നാണ് പരാതി. അവര് അനുവാദമില്ലാതെ ദൃശ്യങ്ങള് പകര്ത്തുന്നു. സംഭവത്തിന്റെ പേരില് തന്റെ വീട്ടില് വെച്ച് ഏതെങ്കിലും സാമൂഹിക വിരുദ്ധര് തന്നെ ആക്രമിച്ചാല്, യൂട്യൂബര്മാരും അവരെ ഏകോപിപ്പിച്ചവരുമായിരിക്കും അതിന് ഉത്തരവാദികളെന്നും സൗരവ്ദാസ് ഭീഷണിപ്പെടുത്തുന്നു.
ക്ഷമയ്ക്ക് പരിധിയുണ്ടെന്നും അതിക്രമിച്ചു കയറിയവരെ നേരിടുമെന്നും മറ്റൊരു വക്താവ് അശുതോഷ് രംഗയും പ്രതികരിച്ചു.
സൗരവ്ദാസിന്റെ കുറിപ്പു പുറത്തുവന്നതോടെ വിഷയം രാജ്യസഭയില് ഉന്നയിക്കാമെന്ന് തൃണമൂല് കോണ്ഗ്രസ് എംപി ഡെറക് ഒബ്രയന് സിജെപിക്ക് ഉറപ്പു നല്കി.
അതേസമയം അധികാരംകിട്ടുംമുന്പേ പൊലീസ് സുരക്ഷയില് നടക്കാനുള്ള അടവല്ലേ ഈ സുരക്ഷാ ആശങ്കയെന്നാണ് സോഷ്യല്മീഡിയിയില് വരുന്ന പ്രധാന കമന്റ്. ഇത്രയുംകാലം പരിലാൡ യൂട്യൂബര്മാര് ഇപ്പോഴെങ്ങനെയാണ് ശല്ല്യക്കാരായതെന്നും ചിലര് ചോദിക്കുന്നു.
