തൃശൂര്: ശക്തമായ മഴയില് ഗുരുവായൂര് പ്രദേശത്ത് വെള്ളക്കെട്ട് രൂക്ഷമായി. നൂറോളം കടകളിലും നിരവധി വീടുകളിലും വെള്ളം കയറി. നഗരസഭയില് ഹെല്പ്പ് ഡെസ്ക് പ്രവര്ത്തനം തുടങ്ങി. തൈക്കാട് തിരിവില് അമ്പതോളം കടകളില് വെള്ളം കയറി. മമ്മിയൂര് കൈരളി ജംഗ്ഷന്, പഞ്ചാര മുക്ക്, താമരയൂര് ആനത്താവളം റോഡ് എന്നിവിടങ്ങളിലെ കടകളില് വെള്ളം കയറി.
കാരക്കാട് വെള്ളം പൊങ്ങി വീടിനുള്ളില് കുടുങ്ങിയവരെ അഗ്നിരക്ഷാ സേന രക്ഷപ്പെടുത്തി. കൈരളി ജംഗ്ഷനിലെ അഗ്നിരക്ഷാ സേന ഓഫീസിലും വെള്ളം കയറി. തൈക്കാട് തിരിവില് ശക്തമായ വെള്ളക്കെട്ടില് തൃശൂര് -ഗുരുവായൂര് പാതയില് ഗതാഗതം തടസപ്പെട്ടു. മമ്മിയൂര് ക്ഷേത്രത്തിനു മുന്നിലൂടെയുള്ള റോഡ്, മമ്മിയൂര് കാട്ടുപാടം റോഡ്, മാവിന്ചുവട് കോട്ടപ്പടി റോഡ് എന്നിവിടങ്ങളിലും വെള്ളം പൊങ്ങിയതിനാല് ഗതാഗതം നിരോധിച്ചു. മതിലുകള് ഇടിഞ്ഞുവീണു. മരക്കൊമ്പുകള് ഒടിഞ്ഞുവീണ് വൈദ്യുതിയും വിതരണവും തടസപ്പെട്ടു.
ഗുരുവായൂര് നെന്മിനിയില് രണ്ടു കാറുകള് ഒഴുക്കില്പെട്ടു. ഒരു കാര് അഗ്നിരക്ഷാ സേന എത്തി കരയ്ക്ക് കയറ്റി.
