ന്യൂദൽഹി: പേപ്പർ ചോർച്ച വിരുദ്ധ ബിൽ ലോക്സഭയിൽ അവതരിപ്പിച്ചതിന് ഒരു ദിവസത്തിന് ശേഷം എൻഡിഎ പാർലമെന്ററി പാർട്ടി ചൊവ്വാഴ്ച പാർലമെന്റ് ഹൗസ് സമുച്ചയത്തിലെ ലൈബ്രറി കെട്ടിടത്തിൽ “മംഗൾ മിലാൻ” യോഗം ചേർന്നു. യോഗത്തിൽ ആദ്യമായി മുൻ വിമത തൃണമൂൽ കോൺഗ്രസ് എംപിമാരായിരുന്ന ഇപ്പോഴത്തെ എൻസിപിഐ എംപിമാർ ചർച്ചയിൽ പങ്കുചേർന്നു. മുമ്പ് തൃണമൂൽ കോൺഗ്രസിൽ ഉണ്ടായിരുന്ന എൻസിപിഐ എംപിമാരായ കകോലി ഘോഷ്, ശതാബ്ദി റോയ്, സയോണി ഘോഷ് എന്നിവരും യോഗത്തിൽ പങ്കെടുത്തു.
പ്രധാനമന്ത്രി മോദിയെ പുകഴ്ത്തി സയോണി ഘോഷ്
“ഞാൻ എൻഡിഎ യോഗത്തിൽ പങ്കെടുത്തു. പ്രധാനമന്ത്രി നരേന്ദ്ര മോദിയുടെ സാന്നിധ്യത്തിൽ നടന്ന ഒരു വിജ്ഞാനപ്രദമായ സെഷനായിരുന്നു അത്. ഞങ്ങൾ ഒരുപാട് കാര്യങ്ങൾ പഠിച്ചു. ഇന്ന് ഞങ്ങൾ സ്വതന്ത്ര വ്യാപാര കരാറുകളെക്കുറിച്ച് ചർച്ച ചെയ്തു. അതൊരു നല്ല ചർച്ചയായിരുന്നു.”- എൻസിപി എംപി സയോണി ഘോഷ് പറഞ്ഞു.
ഇതിനു പുറമെ പാർലമെൻ്റിൽ ചർച്ച ചെയ്യാൻ പോകുന്ന 2026 ലെ പൊതു പരീക്ഷ (അന്യായ മാർഗ്ഗങ്ങൾ തടയൽ) ഭേദഗതി ബില്ലിന് പിന്തുണയും അവർ തേടി. കൂടാതെ എൻസിപിഐയിൽ ചേർന്ന ശേഷം എംപിമാർ എൻഡിഎയ്ക്കുള്ള പിന്തുണ ആവർത്തിച്ചു വ്യക്തമാക്കിയിട്ടുണ്ട്.
