കൊച്ചി: തങ്ങളുടെ അനുമതിയില്ലാതെ കുംഭമേള പെണ്കുട്ടിയെ മധ്യപ്രദേശ് പോലീസിന് കൈമാറരുതെന്ന്് ഹൈക്കോടതി ഉത്തരവിട്ടു. പെണ്കുട്ടിയെ കൈമാറാന് പോലീസിനോട് നിര്ദേശിച്ച ദേശീയ പട്ടികവര്ഗ കമ്മീഷനെ ജസ്റ്റിസ് ബെച്ചു കുര്യന് തോമസ് രൂക്ഷമായി വിമര്ശിക്കുകയും ചെയ്തു. ‘ഉത്തരവുകള് പുറപ്പെടുവിക്കാന് ദേശീയ കമ്മീഷന് എന്ത് അധികാരമാണുള്ളത്? കോടതി ചോദിച്ചു. മിശ്രവിവാഹത്തിന്റെ പേരില് പെണ്കുട്ടിയുടെ ജീവന് ഭീഷണിയുണ്ടായാല് അടിയന്തര നടപടി സ്വീകരിക്കാനും കോടതി പോലീസിനോട് നിര്ദ്ദേശിച്ചു.
‘ഭീഷണി കാരണം ഹര്ജിക്കാരി ഒളിവില് കഴിയുന്നതിനാല്, എന്തെങ്കിലും അടിയന്തര നടപടി ആവശ്യമുണ്ടെങ്കില്, അവരുടെ സുരക്ഷ ഉറപ്പാക്കാന് നിയോഗിക്കപ്പെട്ടിട്ടുള്ള വനിതാ സുരക്ഷാ ഉദ്യോഗസ്ഥയെ ബന്ധപ്പെടണമെന്ന് കോടതി പെണ്കുട്ടിയോട് നിര്ദേശിച്ചു. അത്തരമൊരു അറിയിപ്പ് ലഭിച്ചാല്, ഹര്ജിക്കാരിക്ക് ഉടനടി മതിയായ സംരക്ഷണം നല്കണം’ കോടതി വ്യക്തമാക്കി.
