കൊച്ചി: മണപ്പുറം ഗ്രൂപ്പിന്റെ സ്ഥാപനത്തില് നിന്ന് 20 കോടി രൂപ തട്ടിയെടുത്ത കേസില് മുന് അസിസ്റ്റന്റ് ജനറല് മാനേജര് ധന്യ മോഹനെ എന്ഫോഴ്സ്മെന്റ് ഡയറക്ടറേറ്റ് (ഇ ഡി) ചോദ്യം ചെയ്തു. ഇ ഡി ഓഫീസില് ഹാജരാകാന് നല്കിയ സമന്സിനെത്തുടര്ന്നാണ് ഇന്നലെ കൊച്ചിയിലെ ഓഫീസില് ഹാജരായത്. ഇവര് തട്ടിയെടുത്ത പണം കുഴല്പണ ഇടപാടുകള്ക്കായി ചെലവഴിച്ചോ എന്നാണ് ഇ ഡി പ്രധാനമായും ചോദിച്ചറിയുന്നത്.
മണപ്പുറം കോംപ്ടെക് ആന്ഡ് കണ്സള്ട്ടന്സ് ലിമിറ്റഡില് നിന്നാണ് പണം തട്ടിയത്. ഈ സ്ഥാപനത്തിലെ അസി. ജനറല് മാനേജരായിരുന്നു ധന്യ. ജോലി ചെയ്തിരുന്ന അഞ്ച് വര്ഷത്തിനിടയില് ധന്യ മോഹന് ഏകദേശം 20 കോടിയോളം രൂപ തട്ടിയെടുത്തെന്നാണ് കേസ്. തട്ടിയെടുത്ത തുക ബന്ധുക്കളുടെ അക്കൗണ്ടുകളിലേക്കും ഭര്ത്താവിന്റെ എന്ആര്ഐ അക്കൗണ്ടിലേക്കും മാറ്റിയതായി നേരത്തെ കണ്ടെത്തിയിരുന്നു. ഓണ്ലൈന് റമ്മി അടക്കമുള്ള ഗെയിമുകള്ക്കായാണ് പണം പ്രധാനമായും വിനിയോഗിച്ചതെന്ന് അന്വേഷണത്തില് ബോധ്യപ്പെട്ടിട്ടുണ്ട്.
