കോഴിക്കോട്:കക്കട്ടില് സഹകരണ ബാങ്കിന്റെ തളീക്കര ശാഖ മാനേജരും സിപിഎം പ്രാദേശിക നേതാവുമായ പി കെ ഗനീഷ് കുമാറിനെ ജീവനൊടുക്കിയ നിലയില് കണ്ടെത്തി.വീടിനടുത്ത് മുറുവശേരി വായനശാലയിലാണ് മരിച്ച നിലയില് കണ്ടെത്തിയത്.
സിപിഎം ലോക്കല് കമ്മിറ്റി അംഗമായിരുന്നു ഗനീഷ് കുമാര്.കഴിഞ്ഞ തദ്ദേശ തെരഞ്ഞെടുപ്പിന് പിന്നാലെ പാര്ട്ടി ചുമതലകളില് നിന്ന് ഇദ്ദേഹത്തെ നീക്കിയിരുന്നു. കര്ഷകസംഘം മേഖലാ സെക്രട്ടറി കൂടിയാണ് ഗനീഷ് കുമാര്.
വ്യക്തിപരമായ കാരണങ്ങളോ കുടുംബപരമായ പ്രശ്നങ്ങളോ ആണ് അത്മഹത്യക്ക് കാരണം എന്നാണ് വിവരം.തിങ്കളാഴ്ച രാവിലെയാണ് സംഭവമുണ്ടായത്. പതിവുപോലെ പ്രഭാത സവാരിക്കായി പോയ ഗനീഷ് കുമാര് തിരികെ എത്താതിരുന്നതിനെ തുടര്ന്ന് വീട്ടുകാര് അന്വേഷിച്ചപ്പോഴാണ് സംഭവമറിഞ്ഞത്.
