തിരുവനന്തപുരം: ആസൂത്രണ ബോര്ഡിലേക്ക് പി എസ് സി നടത്തിയ പരീക്ഷയില് ക്രമക്കേട് കാട്ടി ഇടത് സംഘടനാ നേതാവിനെ നിയമിച്ച സംഭവത്തിന് പിന്നില് ഉന്നത ഉദ്യോഗസ്ഥരെന്ന് കണ്ടെത്തല്.
ആഭ്യന്തര വിജിലന്സ് അന്വേഷണം നടത്തിയപ്പോള് ആണ് ഈ ഗുരുതര കണ്ടെത്തല്.പരീക്ഷാ തട്ടിപ്പില് വിശദ അന്വേഷണം വേണമെന്നും റിപ്പോര്ട്ടില് ശുപാര്ശ ചെയ്യുന്നു.ആഭ്യന്തരവിജന്സിന്റെ റിപ്പോര്ട്ട് തിങ്കളാഴ്ചത്തെ പി എസ് സി യോഗം ചര്ച്ച ചെയ്തു.
കഴിഞ്ഞദിവസം എസ് പി സിനി എഫ് ഡെന്നിസിന്റെ നേതൃത്വത്തില് നടത്തിയ ആഭ്യന്തര വിജിലന്സിന്റെ അന്വേഷണ റിപ്പോര്ട്ട് പി എസ് സിക്ക് സമര്പ്പിച്ചിരുന്നു. പരീക്ഷ വിഭാഗത്തിലെ ഉന്നത ഉദ്യോഗസ്ഥരാണ് ക്രമക്കേട് കാട്ടിയതെന്ന് റിപ്പോര്ട്ടില് പറയുന്നു.
തുടരന്വേഷണം ആവശ്യപ്പെട്ടുള്ള ആഭ്യന്തര വിജിലന്സ് റിപ്പോര്ട്ട് പി എസ് സി സര്ക്കാരിന്ന് സമര്പ്പിക്കും. എന്നാല് ക്രൈംബ്രാഞ്ച് അന്വേഷണം നടക്കുന്നതിനാല് മറ്റൊരു അന്വേഷണത്തിന് സര്ക്കാര് ഉത്തരവിടാന് സാധ്യതയില്ല.ഐ ജി അജിതാ ബീഗത്തിന്റെ നേതൃത്വത്തിലുള്ള പ്രത്യേക അന്വേഷണ സംഘം റിപ്പോര്ട്ട് ഇന്ന് ഡിജിപിക്ക് കൈമാറും എന്നറിയിച്ചിരുന്നെങ്കിലും പൂര്ത്തിയാകാത്തതിനാല് റിപ്പോര്ട്ട് കൈമാറുന്നത് നീട്ടി.
