കൊച്ചി: പാറ്റ പാര്ട്ടി സമരത്തിന് ഐക്യദാര്ഢ്യം പ്രകടിപ്പിച്ച് വഴി തടഞ്ഞ് പ്രതിഷേധം സംഘടിപ്പിച്ചതിന് സംസ്ഥാന സര്ക്കാര് കേസെടുത്തതിനെതിരേ നാളെ വൈകിട്ട് കൊച്ചിയില് വേടന്റെ ആസാദിയാത്ര. രാഷ്ട്രീയ, സാഹിത്യ, സാംസ്ക്കാരിക മേഖലയിലെ പ്രമുഖരെ പങ്കെടുപ്പിക്കുമെന്നാണ് അവകാശവാദം.
ഹൈക്കോടതി ജംഗ്ഷനില് നിന്നും ഉച്ചകഴിഞ്ഞ് മൂന്ന് മണിക്ക് ആരംഭിക്കുന്ന ആസാദിയാത്ര വൈകിട്ട് ഏഴുമണിക്ക് അവസാനിക്കും. കേസെടുത്തതിന് എതിരെ ഭരണഘടനയും അംബേദ്ക്കറുടെ ചിത്രം ഉയര്ത്തിയുമായിരിക്കും പ്രതിഷേധയാത്ര.
കഴിഞ്ഞ ദിവസം പനമ്പള്ളി നഗറിലെ സെന്റര് പാര്ക്കില് സാംസ്ക്കാരിക കൂട്ടായ്മ സംഘടിപ്പിച്ചതിനാണ് എറണാകുളം സൗത്ത് പോലീസ് വേടനെതിരേ കേസെടുത്തത്. പൊതുഗതാഗതം തടഞ്ഞതിനാണ് കേസ്.
അതേസമയം വേടനെതിരെ സാധാരണഗതിയില് കേസെടുക്കേണ്ട സാഹചര്യം ഇല്ലായിരുന്നുവെന്ന് ആഭ്യന്തര മന്ത്രി രമേശ് ചെന്നിത്തല പറഞ്ഞു. എന്തുകൊണ്ടാണ് കേസ് എടുത്തത് എന്ന് അന്വേഷിക്കുമെന്നും വേണ്ടിവന്നാല്
പിന്വലിക്കുന്നകാര്യം പരിശോധിക്കുമെന്നും അദ്ദേഹം പറഞ്ഞു.
