കൊച്ചി : മൂന്ന് ആവശ്യങ്ങളും കേന്ദ്രസർക്കാർ അംഗീകരിച്ചതോടെ സമരം അവസാനിപ്പിക്കുകയാണെന്ന് പാറ്റാപാർട്ടി നേതാക്കൾ പ്രഖ്യാപിച്ചു കഴിഞ്ഞു. ധർമ്മേന്ദ്രപ്രധാൻ രാജി വച്ചതോടെ ഇത് തങ്ങളുടെ വിജയമാണെന്ന് പറഞ്ഞ് കോൺഗ്രസും രംഗത്തെത്തി. എന്നാൽ കേന്ദ്രസർക്കാരിനെ താഴെയിറക്കിയിട്ടേ ഇനി മടങ്ങി വരൂവെന്ന് പറഞ്ഞ് കേരളത്തിൽ നിന്ന് പുറപ്പെട്ട ഡി വൈ എഫ് ഐക്കാർ ഇനി എന്ത് ചെയ്യുമെന്നാണ് സമൂഹമാധ്യമങ്ങൾ ചോദിക്കുന്നത്.
കഴിഞ്ഞ ദിവസമാണ് പാറ്റാസമരത്തിന് പിന്തുണയുമായി ഇവിടെ നിന്ന് ഡി വൈ എഫ് ഐക്കാർ പുറപ്പെട്ടത് . 27 ന് ജന്ദർമന്ദറിലെത്തി സമരത്തിൽ പങ്കെടുക്കുമെന്നും, സമരം കഴിയും വരെ അവിടെ തുടരുമെന്നൊക്കെയാണ് നേതാക്കൾ പറഞ്ഞിരുന്നത് . എന്നാൽ ഇപ്പോൾ ഇവിടെ നിന്ന് ഇറങ്ങുകയും ചെയ്തു , സമരത്തിലൊട്ട് പങ്കെടുക്കാൻ പറ്റിയുമില്ല എന്നതാണ് അവസ്ഥ .
ചിലരാകട്ടെ ഡി വൈ എഫ് ഐ ഇവിടെ നിന്ന് പുറപ്പെട്ടതറിഞ്ഞാകും ധർമ്മേന്ദ്രപ്രധാൻ രാജി വച്ചതെന്ന് വരെ പറഞ്ഞ് പരിഹസിക്കുന്നുണ്ട്. സമരം തീർന്ന സ്ഥിതിയ്ക്ക് കിട്ടിയ വണ്ടിയിൽ തന്നെ കയറി തിരികെ വരണമെന്നും, ഡൽഹി പൊലീസിന് പണി ഉണ്ടാക്കരുതെന്നുമാണ് ചിലർ പറയുന്നത് .
