ന്യൂദല്‍ഹി: ശ്രീലങ്ക, ബംഗ്ലാദേശ്, നേപ്പാള്‍ എന്നിവിടങ്ങളിലെ ആഭ്യന്തര കലാപത്തിന്റെ മാതൃകയില്‍ ഇന്ത്യന്‍ ഭരണകൂടത്തെ പിഴുതെറിയാന്‍ യുവാക്കളെ പ്രേരിപ്പിക്കുകയാണ് കോക്രോച്ച് ജനതാ പാര്‍ട്ടി ചെയ്യുന്നതെന്ന് ചൂണ്ടിക്കാട്ടി കോടതിയെ സമീപിച്ച് സേവ് ഇന്ത്യ ഫൗണ്ടേഷന്‍. ജന്തര്‍ മന്തറിലെ തീവയ്‌പ്പ്, പോലീസുകാര്‍ക്ക് നേരെയുള്ള ആക്രമണം, പൊതു സ്വത്ത് നശിപ്പിക്കല്‍ എന്നിവയില്‍ പ്രതിഷേധക്കാര്‍ക്കെതിരെ ക്രിമിനല്‍ നടപടിയെടുക്കാന്‍ പോലീസിന് നിര്‍ദ്ദേശം നല്‍കണമെന്നും ദല്‍ഹി ഹൈക്കോടതിയില്‍ സമര്‍പ്പിച്ച ഹര്‍ജിയില്‍ ആവശ്യപ്പെട്ടു. എന്നാല്‍ ഇക്കാര്യത്തില്‍ സര്‍ക്കാരിനെ സമീപിക്കാന്‍ ഹര്‍ജിക്കാര്‍ക്ക് അവകാശമുണ്ടെന്ന് ചൂണ്ടിക്കാട്ടി ചീഫ് ജസ്റ്റിസ് ദേവേന്ദ്ര കുമാര്‍ ഉപാധ്യായ , ജസ്റ്റിസ് തേജസ് കരിയ എന്നിവരടങ്ങിയ ബെഞ്ച് ഹര്‍ജി സ്വീകരിക്കാന്‍ വിസമ്മതിച്ചു.
പൊതു സ്വത്തുക്കള്‍ക്കുണ്ടായ നാശനഷ്ടം സംബന്ധിച്ച സുപ്രീം കോടതി നിര്‍ദ്ദേശിച്ച നിയമവും 2018 ലെ വിധിയും കണക്കിലെടുത്ത്, ബന്ധപ്പെട്ട അധികാരികള്‍ക്ക് മുന്നില്‍ തന്റെ വാദം അവതരിപ്പിക്കാന്‍ ഞങ്ങള്‍ ഹര്‍ജിക്കാരെ അനുവദിക്കുന്നു. അധികൃതര്‍ നിയമപ്രകാരം ഉചിതമായ തീരുമാനം എടുക്കുകയും ചെയ്യും. തീരുമാനം ഹര്‍ജിക്കാരനെ അറിയിക്കും,’ കോടതി ഉത്തരവില്‍ പറഞ്ഞു.
ചില അഭിഭാഷകര്‍ ഇത്തരം പ്രതിഷേധക്കാര്‍ക്ക് സൗജന്യ നിയമസഹായം വാഗ്ദാനം ചെയ്യുന്നുണ്ടെന്നതും ഹര്‍ജിക്കാര്‍ കോടതിയുടെ ശ്രദ്ധയില്‍ പെടുത്തി.
സിജെപി ലക്ഷ്യമിട്ടത് ബംഗ്ലാദേശ് മോഡല്‍ ആഭ്യന്തര കലാപമെന്ന് ചൂണ്ടിക്കാട്ടി ഹൈക്കോടതിയില്‍ ഹര്‍ജി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.