ന്യൂദല്‍ഹി: റെയില്‍വെ വൈദ്യുതീകരണത്തില്‍ ഭാരതം ലോകത്തെ രണ്ടാം രാജ്യമായി. സമ്പൂര്‍ണമായി വൈദ്യുതീകരിച്ച സ്വിറ്റ്‌സര്‍ലാന്‍ഡ് മാത്രമാണ് ഭാരതത്തിനു മുന്നില്‍. 82 ശതമാനം വൈദ്യുതീകരിച്ച െൈചന മൂന്നാമത്. നാലാമതു സ്‌പെയിന്‍ (67ശതമാനം), അഞ്ചാമത് ജപ്പാന്‍ (64 ശതമാനം), ആറാമതു ഫ്രാന്‍സ് (60 ശതമാനം), ഏഴാമത് ബ്രിട്ടന്‍ (39 ശതമാനം).
ഭാരതത്തിലെ 99.6 ശതമാനം ബ്രോഡ്‌ഗേജ് ലൈനുകളും വൈദ്യുതീകരിച്ചതായി റെയില്‍വെ അറിയിച്ചു. ഇതോടെ ഡീസല്‍ ഉപയോഗവും കുത്തനെ കുറഞ്ഞു. 2015-2016ല്‍ 293 കോടി ലിറ്റര്‍ ഡീസലാണ് ട്രെയിനുകളില്‍ ഉപയോഗിച്ചതെങ്കില്‍ 2024-2025ല്‍ ഇത് 108 കോടി ലിറ്ററായി കുറഞ്ഞു. ഇതുവഴി ചെലവും പരിസ്ഥിതി മലിനീകരണവും കുറയ്‌ക്കാനുമായി. റെയില്‍വെ 1260 മെഗാവാട്ട് സൗരോര്‍ജ്ജവും കാറ്റാടി വൈദ്യുതിയുമാണ് ഉത്പാദിപ്പിക്കുന്നത്.
2014-2026ല്‍ 48,072 കിലോമീറ്റര്‍ വൈദ്യുതീകരിച്ചു, 2014 വരെ 21,801 കിലോമീറ്ററും. കേരളമടക്കം 25 സംസ്ഥാനങ്ങളില്‍ സമ്പൂര്‍ണ വൈദ്യുതീകരണമായി. തമിഴ്‌നാട്, കര്‍ണാടക, അസം, ഗോവ, രാജസ്ഥാന്‍ എന്നിവിടങ്ങളില്‍ പൂര്‍ണമായില്ല.
