തിരുവനന്തപുരം: ഫൈന് ആര്ട്സ് കോളജ് മതിലില് സരസ്വതീദേവിയെ നഗ്നയാക്കി ചിത്രീകരിച്ച് പോസ്റ്റര്. ദല്ഹിയിലെ പാറ്റ സമരത്തിന് ഐക്യദാര്ഢ്യം പ്രഖ്യാപിച്ചുള്ള പോസ്റ്ററുകളിലൊന്നിലാണിത്. മതവികാരം വ്രണപ്പെടുത്താനും കാമ്പസില് സംഘര്ഷാവസ്ഥ സൃഷ്ടിക്കാനുമുള്ള ബോധപൂര്വമായ ശ്രമമാണിത്.
ദല്ഹി സമരത്തിന് പിന്തുണയെന്ന പേരിലൊട്ടിച്ച പോസ്റ്ററുകളില് സരസ്വതീദേവിയെ നഗ്നയാക്കി ചിത്രീകരിച്ചതിന് പുറമേ പ്രധാനമന്ത്രി നരേന്ദ്ര മോദിയെയും കേന്ദ്ര വിദ്യാഭ്യാസ മന്ത്രി ധര്മേന്ദ്ര പ്രധാനെയും അസഭ്യം പറഞ്ഞും അപകീര്ത്തിപ്പെടുത്തിയും ഇതേ മതിലില് പോസ്റ്ററുകള് പതിപ്പിച്ചിട്ടുണ്ട്. പോസ്റ്ററുകളില് പ്രതിഷേധം സംഘടിപ്പിച്ച സംഘടനയുടെയോ വ്യക്തികളുടെയോ പേരുകളോ മേല്വിലാസമോ നല്കിയിട്ടില്ല. യാതൊരുവിധ ഉത്തരവാദിത്തവും ഏറ്റെടുക്കാതെ അജ്ഞാതരായി നിന്ന് കാമ്പസുകളില് കലാപശ്രമം നടത്തുകയാണെന്നാണ് വിമര്ശനം.
കോളജ് അധികൃതരുടെ അനുമതി നേടാതെയാണ് മതിലില് പോസ്റ്ററുകളും ബാനറുകളും പതിപ്പിച്ചത്. എന്നാല്, പോസ്റ്ററുകള് കോമ്പൗണ്ടിന് വെളിയിലായതിനാല് കോളജിന്റെ അനുമതി ആവശ്യമില്ലെന്ന വിചിത്രമായ നിലപാടാണ് പ്രിന്സിപ്പല് സ്വീകരിച്ചത്. ഇത് ആവിഷ്കാര സ്വാതന്ത്ര്യമാണെന്നാണ് അദ്ദേഹത്തിന്റെ പ്രതികരണം. പ്രിന്സിപ്പലിന്റെ സമീപനത്തിലും വന് പ്രതിഷേധമുണ്ട്.
