അറ്റ്ലാന്‍റ: മെസ്സി ഒരിയ്‌ക്കല്‍ കൈകളില്‍ വാരിയെടുത്ത കൈക്കുഞ്ഞ്. അതായിരുന്നു സ്പാനിഷ് ഫോര്‍വേഡായ യമാല്‍. വെറും അഞ്ച് മാസം പ്രായമായ കുഞ്ഞ്.
ഈ കുഞ്ഞിനെ അന്ന് 27 വയസ്സുള്ള മെസ്സി കുളിപ്പിക്കുന്ന ഒരു ചിത്രം യുണിസെഫ് അവരുടെ കലണ്ടറില്‍ ചേര്‍ത്തിരുന്നു. ഈ ഫോട്ടോ ഇപ്പോള്‍ വൈറലായി സമൂഹമാധ്യമങ്ങളില്‍ പ്രചരിക്കുകയാണ്.
അന്ന് അഞ്ച് മാസം പ്രായമുള്ള ആ കുഞ്ഞ് ഇന്ന് 19കാരനായ ലാമിന്‍ യമാല്‍ എന്ന അപകടകാരിയായ സ്പെയിനിന്റെ ഫോര്‍വേഡാണ്. കളിയില്‍ അധികം ഗോള്‍ നേടിയിട്ടില്ലെങ്കിലും സ്പെയിനിന് ഗോളടിക്കാന്‍ അവസരങ്ങളുണ്ടാക്കിയതില്‍ മുന്നിലാണ് യമാല്‍. മാത്രമല്ല, സ്പെയിന്റെ ആക്രമണത്തിന് വീര്യം കൂട്ടാനും യമാലിന്റെ കഴിവ് മികച്ചതാണ്.
അര്‍ജന്‍റീനയും സ്പെയിനും തമ്മിലുള്ള പോരിന്റെ പ്രതീകമായി മെസ്സിയുടെയും യമാലിന്റെയും ചിത്രങ്ങളാണ് പ്രചരിക്കുന്നത്.മെസ്സിയുടെ ഗോളടിക്കലും ഗോളടിപ്പിക്കലും പോലെ വെറും 19 കാരനായ യമാലിന്റെ ആക്രമണവും ഡ്രിബിളിങ്ങും എല്ലാം അത്രമേല്‍ ഈ ലോകകപ്പില്‍ ഫുട്ബാള്‍ ആരാധകരുടെ ഹൃദയം കവര്‍ന്നിരിക്കുന്നു.
