സുസുകിയുടെ ബനസ്കന്ദയിലെ ചാണകത്തില് നിന്നും ബയോ സിഎന്ജി നിര്മ്മിക്കുന്ന പ്ലാന്റ്
അഹമ്മദാബാദ് : ഇനിയും ചാണകത്തെ പുച്ഛിക്കുന്നത് നിര്ത്തൂ. ഇനി ചാണകത്തില് നിന്നും വണ്ടിയോടിക്കാവുന്ന ഇന്ധനം ഉണ്ടാക്കാം. ഇന്ത്യയില് സുസുകി പരീക്ഷണാര്ത്ഥം നിര്മ്മിച്ച പ്ലാന്റ് വന് വിജയമായി. ഗുജറാത്തിലാണ് ഈ പ്ലാന്റ്. ചാണകത്തില് നിന്നും സുസുകി ഉണ്ടാക്കിയ ബയോ സിഎന്ജി കിലോയ്ക്ക് 80 രൂപ മാത്രമേ ഉള്ളൂ. ഇത് ഡീസല് വിലയുമായി തട്ടിച്ചുനോക്കുമ്പോള് വളരെ കുറഞ്ഞ വിലയാണ്.
മാരുതിയുടെ ഉടമസ്ഥരായ സുസുകി മോട്ടോഴ്സ്. ഗുജറാത്തിലെ ബനസ്കന്ദയില് നടത്തിയ പരീക്ഷണം വന്വിജയമായി മാറിയത്. ഗുജറാത്തിലെ ബനാസ് ഡയറിയുമായി സഹകരിച്ചുകൊണ്ട് നടത്തിയ പരീക്ഷണത്തിലാണ് സുസുകി മോട്ടോഴ്സ് ചാണകത്തില് നിന്നും വാഹനങ്ങളില് ഇന്ധനമായി ഉപയോഗിക്കാവുന്ന ബയോ സിഎന്ജി വികസിപ്പിച്ചത്. ഗുജറാത്തിന്റെ തലസ്ഥാനമായ ഗാന്ധിനഗറില് നിന്നും 125 കിലോമീറ്റര് വടക്ക് സ്ഥിതിചെയ്യുന്ന പലന്പൂര് നഗരത്തിലെ ബനസ്കന്ദയിലാണ് ഈ പരീക്ഷണം നടത്തിയത്. അവിടെ സ്ഥാപിച്ച പ്ലാന്റിലാണ് പരീക്ഷണങ്ങള് നടന്നത്.
ഈ പ്ലാന്റിന് ചുറ്റുമുള്ള 16 ഗ്രാമങ്ങളില് നിന്നാണ് സുസുകി ചാണകം ശേഖരിച്ചത്. ഇതിനായി കമ്പനി ക്ഷീരകര്ഷകരുമായി ധാരണയിലെത്തി. ദിവസേന ഇവിടങ്ങളില് നിന്നും ഏകദേശം 80 ടണ് ചാണകമാണ് ശേഖരിച്ചത്. കിലോയ്ക്ക് ഒരു രൂപ വെച്ചാണ് ചാണകം വാങ്ങിയിരുന്നത്.
ഈ ചാണകത്തില് നിന്നാണ് ബയോ സിഎന് ജി ഉല്പാദിപ്പിച്ചത്.ഇവിടെ നിന്നുള്ള ബയോ സിഎന് ജി വില്ക്കുന്നത് കിലോയ്ക്ക് 80 രൂപ എന്ന നിലയ്ക്കാണ്.. 600 മുതല് 700 വരെ വാഹനങ്ങള് വരെ ഈ ബയോ സിഎന്ജി ഉപയോഗിച്ച് പ്രവര്ത്തിപ്പിക്കാനാകും.
കാര്ഷിക മേഖലയ്ക്ക് വലിയ ഉണര്വ്വ് നല്കുന്ന സംരംഭമായി ഇത് മാറിയിരിക്കുകയാണ്. പല രീതികളിലാണ് ഇത് ഗുണം ചെയ്യുന്നത്. കര്ഷകര്ക്ക് പാലിന് പുറമെ ചാണകത്തില് നിന്നും പണം ലഭിക്കും. പ്ലാന്റില് ബാക്കി വരുന്ന ചാണക. അവശിഷ്ടങ്ങളില് നിന്നും സുസുകി തന്നെ ജൈവവളവും ഉണ്ടാക്കും. അത് പായ്ക്ക് ചെയ്ത് വില്ക്കുകയും ചെയ്യും.
