തിരുവനന്തപുരം : കെ എസ് യു സംസ്ഥാന അധ്യക്ഷന് അലോഷ്യസ് സേവിയറെ അവഗണിച്ച് മുഖ്യമന്ത്രി വി ഡി സതീശന്.കൊച്ചി എസ്എച്ച് കോളേജിലെ പരിപാടിയില് മുഖ്യമന്ത്രിയും അലോഷ്യസ് സേവിയറും ഒരുമിച്ച് പങ്കെടുത്തെങ്കിലും അലോഷ്യസ് സേവിയര്ക്ക് മുഖംകൊടുക്കാതെ വി ഡി സതീശന് മടങ്ങി.സതീശനെ കാണാന്, കാത്തുനിന്നെങ്കിലും കെ എസ് യു സംസ്ഥാന അധ്യക്ഷനെ സതീശന് ഗൗനിച്ചില്ല.
മുഖ്യമന്ത്രിയുടെ അവഗണനയില് വിഷമമുണ്ടെന്ന് അലോഷ്യസ് സേവ്യര് മാധ്യമങ്ങളോട് പ്രതികരിച്ചു. ഗവണ്മന്റ് പ്ലീഡര് നിയമനത്തിലെ പിശക് ചൂണ്ടിക്കാട്ടിയത് തെറ്റാണെങ്കില് ആ തെറ്റ് ഇനിയും ആവര്ത്തിക്കുമെന്ന് അദ്ദേഹം പറഞ്ഞു.ഈ സര്ക്കാര് അധികാരത്തില് വന്നത് കെഎസ്യു ചോരയും നീരും നല്കി ആണ്. വിഷയം രാഷ്ട്രീയമാക്കേണ്ടതില്ലെന്നും അലോഷ്യസ് സേവ്യര് പറഞ്ഞു. താന് പഠിച്ച രാഷ്ട്രീയം സമ്മുന്നതരെ കാണുമ്പോള് ചിരിക്കുക എന്നതാണ്.
പ്രവര്ത്തകരുടെ വികാരം ഉള്ക്കൊള്ളുകയാണ് താന് പഠിച്ച രാഷ്ട്രീയം.അത് തുടരും.മുഖ്യമന്ത്രിയെ കാണാന് ഇനിയും ശ്രമിക്കും. തന്റെ കൂടി മുഖ്യമന്ത്രിയാണ്. കെ എസ് യു സ്വതന്ത്ര നിലപാട് ഉള്ള സംഘടനയാണ്. ഗവണ്മെന്റ് പ്ലീഡര് വിഷയത്തില് മുഖ്യമന്ത്രിയോട് ആശങ്കകള് പറയും. .
കെ എസ് യുവിന്റെ സങ്കടം കേള്ക്കാന് തയാറെന്ന് പാര്ട്ടി നേതൃത്വം പറഞ്ഞു. സംഘടനാബോധത്തില് നിന്നുള്ള കാര്യങ്ങള് ആണ് ചൂണ്ടിക്കാട്ടിയത്. കെപിസിസി നേതൃത്വത്തോട് കെഎസ്യുവിന് പറയാനുള്ളത് പറഞ്ഞിട്ടുണ്ടെന്ന് അലോഷ്യസ് സേവ്യര് വ്യക്തമാക്കി.
