സോനംചുക്കിനെ പിന്തുണച്ച് വീഡിയോ ചെയ്യാത്തതിന് ഇന്‍ഫ്ലുവന്‍സറായ അദമിന ശ്രീവാസ്തവയ്‌ക് എതിരെ വധഭീഷണി മുഴക്കി സിജെപി

ന്യൂദല്‍ഹി: ധര്‍മ്മേന്ദ്രപ്രധാന്‍ രാജിവെയ്‌ക്കണമെന്ന് ആവശ്യപ്പെട്ട് സമരം ചെയ്യുന്ന സിജെപിയ്‌ക്കും നിരാഹാരം അനുഷ്ടിക്കുന്ന സോനം വാങ്ങ് ചുക്കിനും അനുകൂലമായി വീഡിയോ ചെയ്യാത്തതിന് ഇന്‍ഫ്ലുവന്‍സറായ പെണ്‍കുട്ടിക്കെതിരെ വധഭീഷണി. സിജെപിക്കാരും സോനം വാങ്ചുക്കിന്റെ അനുയായികളുമായി വധഭീഷണി മുഴക്കുന്നതെന്നാണ് ഇന്‍ഫ്ലുവന്‍സറായ അദമിന ശ്രീവാസ്തവ പറയുന്നത്.

SHOCKING! Influencer Adamina Srivastava says –

"I am receiving threats because I refused to speak in favour of Sonam Wangchuk, unlike other Insta influencers" pic.twitter.com/UvDvOS6CZt

— News Algebra (@NewsAlgebraIND) July 15, 2026

സോനം വാങ്ചുക്കിന്റെ നിരാഹാരസമരം 18 ദിവസം പിന്നിട്ടിരിക്കുകയാണ്. ഈ സമരത്തിന് പിന്തുണ തേടി നിരവധി സമൂഹമാധ്യമ ഇന്‍ഫ്ലുവന്‍സര്‍മാരെ സമരക്കാര്‍ രംഗത്തിറക്കാന്‍ ശ്രമിക്കുന്നുണ്ട്. ആം ആദ്മിയാണ് സിജെപിയുടെ പിന്നില്‍ എന്നാണ് കരുതപ്പെടുന്നത്. കാരണം അരവിന്ദ് കെജ്രിവാളും അതീഷിയും ഉള്‍പെടെയുള്ള ആം ആദ്മി നേതാക്കളുടെ സജീവസാന്നിധ്യം സമരത്തിനുണ്ട്.

സിപിഎമ്മും പിന്തുണ പ്രഖ്യാപിച്ചിരുന്നു. സമരവേദിയില്‍ ഇടത് വിദ്യാര്‍ത്ഥികളും മുസ്ലിം സമുദായത്തില്‍പ്പെട്ട വിദ്യാര്‍ത്ഥികളുമാണ് കൂടുതലായി എത്തുന്നത്. ഈ സമരത്തില്‍ പങ്കെടുക്കുന്നവര്‍ക്ക് സുലഭവമായി ഭക്ഷണവും മറ്റ് സൗകര്യങ്ങളും കിട്ടുന്നുണ്ട്. ആരാണ് ഇതിനുള്ള ധനസഹായം എത്തിക്കുന്നതെന്ന കാര്യം ദുരൂഹമാണ്.

അതിനിടയിലാണ് അദമിന ശ്രീവാസ്തവ എന്ന ഇന്‍ഫ്ലുവന്‍സര്‍ സംഘാടകര്‍ക്കെതിരെ ആരോപണവുമായി രംഗത്തെത്തിയത്.