കൊച്ചി: എയര്‍ ഇന്ത്യ എക്‌സ്പ്രസിന്റെ രണ്ട് വിമാനങ്ങളുടെ ഇന്ന് രാത്രിയിലെ യാത്ര മാറ്റി. ഗള്‍ഫില്‍ സംഘര്‍ഷം അധികരിച്ച പശ്ചാത്തലത്തില്‍ ആണ് ഇത്.
വ്യാഴാഴ്ച രാത്രി ഏഴ് മണിക്ക് കൊച്ചിയില്‍ നിന്ന് പുറപ്പെടാനിരുന്ന ദോഹയിലേക്കുള്ള എയര്‍ ഇന്ത്യ എക്‌സ്പ്രസ് വിമാനം വെള്ളിയാഴ്ച പുലര്‍ച്ചെ 2.30 ന് പുറപ്പെടുകയുള്ളൂ. ഇന്ന് രാത്രി 10 ന് പുറപ്പെടേണ്ട എയര്‍ ഇന്ത്യ എക്‌സ്പ്രസിന്റെ ബഹ്‌റൈന്‍ വിമാനം വെളളിയാഴ്ച രാവിലെ 8 ന് കൊച്ചിയില്‍ നിന്ന് പുറപ്പെടും.
രാത്രി 8.30 ന് കൊച്ചിയില്‍ നിന്ന് പുറപ്പെടേണ്ട എയര്‍ ഇന്ത്യയുടെ ദമാം വിമാനത്തിന്റെ സമയവും മാറ്റി. വിമാനം രാത്രി 10 ന് പുറപ്പെടുമെന്ന് അറിയിപ്പില്‍ പറയുന്നു.
