ന്യൂദല്ഹി: ജന്തര്മന്തറിലെ പാറ്റ പാര്ട്ടിയുടെ (സിജെപി) പ്രതിഷേധ സ്ഥലത്ത് കുടിവെള്ളം ഏര്പ്പെടുത്തണമെന്ന് ആവശ്യപ്പെട്ട് ഹര്ജി. ശുചിത്വം അടക്കമുള്ള അടിസ്ഥാന സൗകര്യങ്ങള് ഒരുക്കുന്നതിനുള്ള നിര്ദ്ദേശങ്ങള് നല്കണമെന്നും പോലീസ് നിരീക്ഷണം തടയണമെന്നും ഹര്ജിയില് ആവശ്യപ്പെടുന്നു.
ജെഎന്യു വിദ്യാര്ത്ഥി യൂണിയന് മുന് പ്രസിഡന്റും സിപിഎം നേതാവുമായ ഐഷി ഘോഷാണ് ഈ ആവശ്യങ്ങള് ഉന്നയിച്ച് ദല്ഹി ഹൈക്കോടതിയെ സമീപിച്ചത്.
കുത്തിയിരിപ്പ് സമരവും നിരാഹാര സമരവും നടക്കുന്ന സ്ഥലത്ത് സ്ഥാപിച്ചിട്ടുള്ള സിസിടിവി ടവര് നീക്കണമെന്നാണ് പ്രധാന ആവശ്യം. ചില വിദ്യാര്ത്ഥി പ്രതിഷേധക്കാരുടെ ഫോട്ടോകള് മാതാപിതാക്കള്ക്കും വിദ്യാഭ്യാസ സ്ഥാപനങ്ങള്ക്കും അയയ്ക്കുമെന്ന് പോലീസ് ഭീഷണിപ്പെടുത്തുന്നുവെന്നും ഇതു മൂലം വിദ്യാര്ത്ഥികള് പ്രതിഷേധത്തില് പങ്കെടുക്കാന് വരുന്നില്ലെന്ന് ഹര്ജിക്കാരന് ആരോപിക്കുന്നു.
മഴയില് നനഞ്ഞ വസ്ത്രം ധരിച്ച് പ്രതിഷേധിക്കുന്ന സ്ത്രീകളുടെ ഫോട്ടോയും വീഡിയോയും എടുത്തതായും ഇത് അവരുടെ ശരീരത്തിന്റെ സ്വകാര്യതയിലേക്കും അന്തസ്സിലേക്കും ഉള്ള കടന്നുകയറ്റമാണെന്നും ഹര്ജിയില് ആരോപിക്കുന്നു.
പ്രതിഷേധ പന്തലില് കുടിവെള്ളം നല്കണം, നിരീക്ഷണം തടയണം: പാറ്റ പാര്ട്ടിക്കുവേണ്ടി സിപിഎമ്മിന്റെ ഹര്ജി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.