കണ്ണൂര്‍: പയ്യന്നൂര്‍ ബേബി മെമ്മോറിയല്‍ ആശുപത്രിയില്‍ അന്‌സതേഷ്യ നല്‍കിയ ഒന്നര വയസുകാരന്‍ മരിച്ചതില്‍ ഡോക്ടര്‍മാര്‍ക്ക് ഗുരുതര പിഴവെന്ന് മെഡിക്കല്‍ ബോര്‍ഡിന്റെ വിലയിരുത്തല്‍.രാവിലെ 10ന് ചികിത്സ തേടിയെത്തിയ കുട്ടിക്ക് അനസ്‌തേഷ്യ നല്‍കിയത് വൈകിട്ട്.ആ സമയം മുറിവ് ഉണങ്ങി. ആശുപത്രിയില്‍ അടിസ്ഥാന സൗകര്യങ്ങളില്ലെന്നും മെഡിക്കല്‍ ബോര്‍ഡ് പറയുന്നു.
സംഭവത്തില്‍ പയ്യന്നൂര്‍ ബേബി മെമ്മോറിയല്‍ ആശുപത്രിയിലെ അനസ്‌തേഷ്യ ഡോക്ടറെ പൊലീസ് ചോദ്യം ചെയ്തു.അനസ്‌തേഷ്യ അനിവാര്യമായിരുന്നെന്നും ചികിത്സാ പിഴവ് ഉണ്ടായിട്ടില്ലെന്നുമാണ് ഡോ.അഞ്ജലി പൊതുവാള്‍ മൊഴി നല്‍കിയത്. കുട്ടിയെ ചികിത്സിച്ച ശിശുരോഗ വിദഗ്ധ, പ്ലാസ്റ്റിക് സര്‍ജന്‍ എന്നിവരുടെ അതെ നിലപാട് തന്നെയാണ് അനസ്‌തേഷ്യ വിഭാഗം ഡോക്ടര്‍ അഞ്ജലി പൊതുവാളും ചോദ്യം ചെയ്യലില്‍ ആവര്‍ത്തിച്ചത്.കുട്ടിക്ക് അനസ്‌തേഷ്യ നല്‍കേണ്ട തരത്തില്‍ മുറിവ് ഉണ്ടായിരുന്നിലെന്ന പോസ്റ്റ്‌മോര്‍ട്ടം റിപ്പോര്‍ട്ടിന് വിരുദ്ധമായാണ് മൊഴി.
