തിരുവനന്തപുരം: ഭാരത സര്ക്കാര് സാംസ്കാരിക വകുപ്പിന്റെ വിശിഷ്ട വ്യക്തികള്ക്കുള്ള സീനിയര് ഫെലോഷിപ്പിന് എഴുത്തുകാരനും പ്രഭാഷകനുമായ ഡോ. എ.എം. ഉണ്ണികൃഷ്ണന് അര്ഹനായി. ചട്ടമ്പി സ്വാമികളുടെ ഗദ്യസംഭാവനകള് എന്ന വിഷയത്തില് പഠനത്തിനാണ് ഫെലോഷിപ്പ്.
കേരള സര്വകലാശാലയില് മലയാളം സീനിയര് പ്രൊഫസറും ഫാക്കല്റ്റി ഓഫ് ഓറിയന്റല് സ്റ്റഡീസ് ഡീനും ആയിരുന്ന ഡോ. ഉണ്ണികൃഷ്ണന് ഇപ്പോള് എമരിറ്റസ് പ്രൊഫസറാണ്. ചിന്തയും ചിന്താഗ്നിയും, നവീനോത്തര നിരൂപണം, മഹിത മലയാളം, ഭാഷയില് മലയാളിയുടെ ജീവിതം, ചട്ടമ്പിസ്വാമികളുടെ ജ്ഞാനലോകങ്ങള്, രാമായണ വിചിന്തനം തുടങ്ങി 21 കൃതികളുടെ കര്ത്താവാണ്. ചട്ടമ്പി സ്വാമി പഠനങ്ങള്, ചട്ടമ്പി സ്വാമി സാഹിത്യ സര്വസ്വം, മലയാളഭാഷാ പഠനങ്ങള്, നവ സംസ്കാര സിദ്ധാന്തങ്ങള് ഉള്പ്പെടെ 24 ഗ്രന്ഥങ്ങളുടെ എഡിറ്ററുമാണ്.
