പത്തനംതിട്ട: ഗവിയിലേക്ക് അധിക ബസ് സര്വീസ് അനുവദിക്കണമെന്ന ആവശ്യവുമായി പത്തനംതിട്ട ഡിടിഒ കെഎസ്ആര്ടിസി എംഡിക്ക് കത്ത് നല്കി. പത്തനംതിട്ടയില് നിന്നും ഗവിയിലൂടെ കുമളിക്ക് പോകുന്ന സ്ത്രീ സൗജന്യ ബസ് ഇന്നലെയും വനത്തിനുള്ളില് കേടായി.
വനംവകുപ്പ് വാഹനം എത്തിയാണ് യാത്രക്കാരെ വനത്തിന് പുറത്ത് എത്തിച്ചത്. 42 പേരെ ഉള്ക്കൊള്ളാവുന്ന ബസില് സ്ത്രീ സൗജന്യ സര്വീസ് തുടങ്ങിയതോടെ നൂറിനടുത്ത് ആളുകള് കയറും. ഇതോടെ ബസ് കേടാകുന്നത് പതിവായി. അപകടസാധ്യതയും കൂടി.
ഇതാണ് കൂടുതല് സര്വീസ് അനുവദിക്കണമെന്ന് ആവശ്യമുയരാന് കാരണം.ബസ് സര്വീസിന് വനംവകുപ്പിന്റെ ഉള്പ്പെടെ അനുമതി ആവശ്യമാണ്. ഫാസ്റ്റ് പാസഞ്ചര് കട്ട്ചെയ്സ് ബസ് അനുവദിക്കുന്നതാണ് ഗുണകരമെന്നും അഭിപ്രായമുണ്ട്.
