തൃശൂര്: കെ എസ് ആര് ടി സി സ്ത്രീ സൗജന്യ സര്വീസ് പദ്ധതി ആരംഭിച്ചതോടെ സ്വകാര്യ ബസുടമകളും ജീവനക്കാരും പ്രതിസന്ധിയിലായിരിക്കുകയാണ്.പല സര്വീസുകളും നിര്ത്താന് ആലോചിക്കുകയാണ്.
കളക്ഷന് കുറഞ്ഞതിനെ തുടര്ന്ന് ചാലക്കുടിയില് 60 വര്ഷമായി സര്വീസ് നടത്തിയിരുന്ന ചീനിക്കാസ് ബസ് സര്വീസ് നിര്ത്തിയെന്നതാണ് ഏറ്റവും ഒടുവിലത്തെ വാര്ത്ത.ഇന്നത്തേത് അവസാന സര്വീസ് ആയിരുന്നു.ചാലക്കുടി-മലക്കപ്പാറ റൂട്ടിലോടുന്ന പ്രശസ്ത ബസ് സര്വീസായിരുന്നു ഇത്. റീത്ത് വച്ചാണ് ജീവനക്കാര് സര്വീസ് അവസാനിപ്പിച്ചത്.
കെ എസ് ആര് ടി സി വനിതാ സൗജന്യ സര്വീസ് തുടങ്ങും മുമ്പ് പതിനായിരം രൂപ കളക്ഷന് ഉണ്ടായിരുന്നുവെങ്കിലും ഇപ്പോള് മൂവായിരത്തില് താഴെ മാത്രമാണ് വരുമാനം.മൂന്ന് സര്വീസാണ് ഉണ്ടായിരുന്നതെന്നും ഒരു സര്വീസ് നേരത്തെ നിര്ത്തിയെന്നും തൊഴിലാളികള് പറയുന്നു. ഇനി ഈ റൂട്ടില് നാല് കെ.എസ്.ആര്.ടി.സി ബസുകള് മാത്രമേ അവശേഷിക്കുന്നുള്ളൂ.
