ആലപ്പുഴ : നവകേരള യാത്രയ്ക്കിടെ കരിങ്കൊടി കാട്ടിയ യൂത്ത് കോണ്ഗ്രസ് പ്രവര്ത്തകരെ അന്നത്തെ മുഖ്യമന്ത്രി പിണറായി വിജയന്റെ ഗണ്മാനും സുരക്ഷാ ഉദ്യോഗസ്ഥരും ക്രൂരമായി മര്ദിച്ചതുമായി ബന്ധപ്പെട്ട കേസ് അന്വേഷണം അട്ടിമറിച്ച എഡിജിപി എം ആര് അജിത് കുമാറിനെതിരായ എസ്ഐടി അന്വേഷണ റിപ്പോര്ട്ടില് ഡിജിപി നിയമോപദേശം തേടി. എം ആര് അജിത് കുമാറാണ് കേസ് അട്ടിമറിച്ചതെന്ന അന്വേഷണ റിപ്പോര്ട്ടാണ് ഇക്കാര്യം അന്വേഷിച്ച എസ്ഐടി നല്കിയതെന്നാണ് വിവരം.ഇതില് എന്ത് നടപടി സ്വീകരിക്കണമെന്നതിലാണ് ഡിജിപി നിയമോപദേശം തേടിയത്.
കേസ് അട്ടിമറിക്കാന് അജിത് കുമാര് ശ്രമിച്ചതിന്റെ തെളിവുകള് നേരത്തെ പുറത്തുവന്നിരുന്നു. എന്നാല് ഇതുവരെ അജിത് കുമാറിനെതിരെ നടപടിയുണ്ടായില്ല. ഇതോടെ അജിത് കുമാറിനെ സംരക്ഷിക്കുന്ന നിലപാടാണ് യുഡിഎഫ് സര്ക്കാര് സ്വീകരിക്കുന്നതെന്ന വിമര്ശനവും ഉയര്ന്നിരുന്നു.അജിത് കുമാറിന് ഡി ജി പി റാങ്കിലേക്ക് സ്ഥാനക്കയറ്റം ലഭിക്കാനാണ് ഡി ജി പി നടപടിയെടുക്കാതിരിക്കുന്നതെന്നും ആരോപണം ഉയര്ന്നിരുന്നു.
