തിരുവനന്തപുരം: നെയ്യാറ്റിന്കര ജില്ലാ ജനറല് ആശുപത്രിയില് നെഞ്ച് വേദന അനുഭവപ്പെട്ട രോഗിയെ വരിയില് നിര്ത്തുകയും രോഗി കുഴഞ്ഞുവീണു മരിക്കുകയും ചെയ്ത സംഭവത്തില് ആരോപണവിധേയനായ സുരക്ഷാ ജീവനക്കാരനെ ജോലിയില് നിന്ന് മാറ്റി നിര്ത്തി. ബന്ധുക്കളുടെ പരാതി പ്രകാരമാണ് അടിയന്തര നടപടിയെന്ന് ആരോഗ്യമന്ത്രി കെ.മുരളീധരന് അറിയിച്ചു. ചികിത്സ വൈകാന് കാരണം സെക്യുരിറ്റി ജീവനക്കാരന് ആണെന്നാണ് കുടുംബത്തിന്റെ ആരോപണം.
മന്ത്രി നിര്ദേശിച്ചപ്രകാരം ആരോഗ്യവകുപ്പ് ഡയറക്ടര് നിയോഗിച്ച വിദഗ്ദ്ധ സംഘം ആശുപത്രി സന്ദര്ശിച്ചിരുന്നു.ആരോഗ്യവകുപ്പ് അഡീഷണല് ഡയറക്ടറും തിരുവനന്തപുരം ഡി.എം.ഒയുമായ ഡോ. ബിന്ദു മോഹന്, അഡീഷണല് ഡയറക്ടര്മാരായ ഡോ ഇ. രാജേന്ദ്രന്, ഡോ.കെ. സന്ദീപ്, തിരുവനന്തപുരം ജനറല് ആശുപത്രി ജനറല് മെഡിസിന് വിഭാഗം കണ്സള്ട്ടന്റ് ഡോ. നീമ പി. കാര്ത്തികേയന്, തിരുവനന്തപുരം മെഡിക്കല് കോളജ് കാര്ഡിയോളജി വിഭാഗം അസിസ്റ്റന്റ് പ്രൊഫ. ഡോ. എസ്. പ്രിയ, തിരുവനന്തപുരം ജില്ല ആര്ദ്രം കോഓര്ഡിനേറ്റര് ഡോ. സൂരജ് എന്നിവരടങ്ങുന്നതാണ് സംഘം. ഉടന് തന്നെ സംഘം റിപ്പോര്ട്ട് സമര്പ്പിക്കും.റിപ്പോര്ട്ടിന്റെ അടിസ്ഥാനത്തില് തുടര്നടപടി സ്വീകരിക്കുമെന്നും മന്ത്രി കെ.മുരളീധരന് അറിയിച്ചു.
