കൊച്ചി: ഫെഫ്ക റൈറ്റേഴ്സ് യൂണിയന് ഷോര്ട്ട് ഫിലിം 2026 സീസണ് 1 അവാര്ഡുകള് പ്രഖ്യാപിച്ചു. ജൂറി ചെയര്മാന് സംവിധായകന് ബ്ലസ്സിയാണ് അവാര്ഡുകള് പ്രഖ്യാപിച്ചത്.
വിവിധ കാറ്റഗറികളിലായി 16 അവാര്ഡുകളാണ് നല്കുന്നത്.
മികച്ച ചിത്രം കോവര്ട്ടി, രണ്ടാമത്തെ ചിത്രം ഓപ്പോണന്റ്, വിനോദമൂല്യമുള്ള ചിത്രം പ്രേമപലഹാരം, സംവിധായകന് ആമോസ് ടി.ജി. (ഓപ്പോണന്റ്), തിരക്കഥ വിമല് ഗോപാലകൃഷ്ണന്, രോഹിന് രവീന്ദ്രന് നായര് (കോവര്ട്ടി), മികച്ച കഥ ശരത് അമ്പാട്ട് (മെയ് ഡേ), ഛായാഗ്രാഹകര് സ്വപനില് എസ്., സുനില് ആര്. ബോര്ക്കര് (കോവര്ട്ടി), എഡിറ്റര് ആഷിഷ് ഉണ്ണികൃഷണന്. (പ്രേമപലഹാരം) നടന് കിഷോര് റോഷിക് (ഓപ്പോണന്റ്), മികച്ച നടി രജീഷ വിജയന് (കോവര്ട്ടി), ബാലതാരം അനികേത് അനൂപ് (ചിക്കന് കറി), സ്പെഷല് ജൂറി പുരസ്കാരങ്ങള്: സംവിധാനം നസീം സ്വാബ (പ്രേമപലഹാരം), തിരക്കഥ ശരത് അമ്പാട്ട് (മെയ് ഡേ), അഭിനയം ശരത് രാഘവന് (കെ എല് 13 ഒരു മെറ്റഡോറിയന് യാത്ര) ഹെലന് എലിസബത്ത് ജോര്ജ്ജ് (പ്രേമപലഹാരം), അഭിനയം: ബാലതാരം വൈശാഖ് രാഘവന് (കെ എല് 13 ഒരു മെറ്റഡോറിയന് യാത്ര) എന്നിവയാണ് പുരസ്കാരത്തിന് അര്ഹമായവ.
മികച്ച ചിത്രത്തിന് ഒരു ലക്ഷം രൂപയും, രണ്ടാമത്തെ ചിത്രത്തിന് 50,000 രൂപയുമാണ് സമ്മാനം. ശില്പവും, സര്ട്ടിഫിക്കറ്റും, ക്യാഷ് അവാര്ഡും ഉള്പ്പെട്ട പുരസ്കാരങ്ങള് 18ന് വൈകിട്ട് 3ന് പരമാര റോഡിലുള്ള ഹോട്ടല് ലൂമിനാറയില് നടക്കുന്ന ചടങ്ങില് നല്കും.
സംവിധായകന് ബ്ലസി ജൂറി അധ്യക്ഷനായ അവാര്ഡ് നിര്ണയ സമിതിയില് സംവിധായകന്മാരായ ജീത്തു ജോസഫ്, അന്വര് റഷീദ്, തരുണ് മൂര്ത്തി, ഛായാഗ്രാഹകന് ജോമോന് ടി. ജോണ് എന്നിവര് അംഗങ്ങളായിരുന്നു.
