കാസർഗോഡ്: ചീമേനി തുറന്ന ജയിലിൽ നിന്നും സ്മാർട്ട് ഫോണും രണ്ട് സിം കർഡുകളും പിടികൂടി. ഡി ബാരക്കിലെ തടവുകാരനായ രഖിലാണ് മൊബൈൽ ഫോൺ ഉപയോഗിച്ചത്. ഇയാൾക്കെതിരെ ചീമേനി പോലീസ് കേസെടുത്തു. ഇന്നലെ വൈകിട്ട് ആറ് മണിയോടെയാണ് ഫോൺ പിടികൂടിയത്.
ജയിലിൽ തടവുകാർ മൊബൈൽ ഫോൺ ഉപയോഗിക്കുന്നുവെന്ന് ഉദ്യോഗസ്ഥർക്ക് രഹസ്യ വിവരം ലഭിച്ചിരുന്നു. ഇതേത്തുടർന്ന് നടത്തിയ പരിശോധനയിലാണ് മൊബൈൽ ഫോണും സിം കാർഡുകളും പിടികൂടിയത്. ഇത് രഖിൽ ഉപയോഗിച്ചിരുന്ന ഫോണാണെന്ന് ഉദ്യോഗസ്ഥർക്ക് മനസിലായതിനെ തുടർന്ന് ചീമേനി പോലീസിൽ വിവരം അറിയിക്കുകയായിരുന്നു.
രഖിൽ കൊലപാതക കേസിൽ ശിക്ഷിക്കപ്പെട്ട് ജയിലിൽ എത്തിയ ആളാണ്.
