തിരുവന്തപുരം : തിരുവനന്തപുരം എഞ്ചിനിയറിങ് കോളേജിൽ (സിഇടി) കെടിയുവും എൻഎസ്എസ് യൂണിറ്റും സംഘടിപ്പിച്ച പരിപാടിയിൽ ഭാരതാംബയുടെ ചിത്രം പ്രദർശിപ്പിച്ചതിനെ എതിർത്ത് എസ് എഫ് ഐ.
‘വികസിത് ഭാരത് യങ് ഡയലോഗ്’ എന്ന പേരിൽ നടന്ന പരിപാടിയിലാണ് ഭാരതാംബയുടെ ചിത്രം പ്രദർശിപ്പിച്ചത്. വന്ദേമാതരത്തിന്റെ പൂർണരൂപം പരിപാടിയിൽ ആലപിക്കുകയും ചെയ്തു . ഇതിനെതിരെയാണ് എസ് എഫ് ഐ പ്രതിഷേധവുമായി എത്തിയത്.
മതനിരപേക്ഷതയ്ക്ക് നിരക്കാത്തതാണ് വന്ദേമാതരത്തിന്റെ ആലാപനം എന്നായിരുന്നു എസ് എഫ് ഐയുടെ ആരോപണം. ആർ എസ് എസ് ചിഹ്നങ്ങൾ സ്റ്റേജിന് പിറകിൽ പ്രദർശിപ്പിച്ചു എന്ന് പറഞ്ഞാണ് വേദിയിൽ എസ് എഫ് ഐക്കാർ ഇടിച്ചു കയറിയത് . ആർഎസ്എസ് പരിപാടിയാണെന്നും അനുവദിക്കില്ലെന്നും പറഞ്ഞ് സംഘർഷമുണ്ടാക്കാനും ഇവർ ശ്രമിച്ചു. തുടർന്ന് പരിപാടി പാതിവഴിയിൽ നിർത്തിവെക്കുകയായിരുന്നു.
