കൊച്ചി ; രണ്ട് ദിവസം മുൻപാണ് നടി റിമാ കല്ലിംഗൽ ചെണ്ടയിൽ അരങ്ങേറ്റം കുറിച്ചത്. പട്ടിന്റെ ഉടുപ്പും, മുണ്ടും ധരിച്ച് ഗുരുവിന്റെയും, മാതാപിതാക്കളുടെയും കാൽ തൊട്ട് വന്ദിച്ച് പഞ്ചാരി മേളം കൊട്ടിക്കയറിയ റിമയുടെ ദൃശ്യങ്ങളും വൈറലായി കഴിഞ്ഞു.
മുൻപ് ഇത്തരം വസ്ത്രങ്ങളെ കുലസ്ത്രീ വേഷമെന്ന് പറഞ്ഞ് അടച്ചക്ഷേപിച്ച ഹിന്ദു സംസ്ക്കാരങ്ങളെയും, ആചാരങ്ങളെയും ആഭാസമെന്ന് പറഞ്ഞ് തള്ളിക്കളഞ്ഞ റിമ ഇന്ന് അത്തരം ആചാരങ്ങളെ ചേർത്ത് പിടിക്കുന്നതിന്റെ കാരണമെന്താണെന്നാണ് സോഷ്യൽ മീഡിയ ചോദിക്കുന്നത് . വർഷങ്ങൾക്ക് മുൻപ് ഇന്ത്യ യുദ്ധക്കപ്പൽ കമ്മീഷൻ ചെയ്യുന്ന സമയത്ത് ഹൈന്ദവ രീതിയിൽ പൂജ നടത്തിയെന്ന പേരിൽ പരിഹസിച്ച ആളാണ് റിമയുടെ ഭർത്താവ് ആഷിഖ് അബു.
മട്ടാഞ്ചേരി ഗ്രൂപ്പിന്റെ ഭാഗമായ റിമയും ഇതേ ചിന്താഗതി പുലർത്തിയിരുന്ന വ്യക്തിയായിരുന്നു. എന്നാൽ ഇന്ന് റിമയ്‌ക്ക് സംഭവിച്ച മാറ്റത്തിന് കാരണം തേടുകയാണ് സോഷ്യൽ മീഡിയ. ആത്മാർത്ഥമായ മാറ്റമാണെങ്കിൽ അത് നല്ലതാണെന്ന് പറഞ്ഞ് പ്രോത്സാഹിപ്പിക്കുകയാണ് ചിലർ.
