തൃശൂര്‍: അമല ആശുപത്രിയിലെ ഒരു വിഭാഗം നഴ്‌സുമാര്‍ നടത്തിവന്ന സമരം അവസാനിപ്പിച്ചു.ജില്ലാ ലേബര്‍ ഓഫീസറുമായി നടന്ന ചര്‍ച്ചയെ തുടര്‍ന്നാണ് സമരം അവസാനിപ്പിച്ചത്. കഴിഞ്ഞ ഏപ്രിലില്‍ ആശുപത്രിയില്‍ 4000 മുതല്‍ 6000 രൂപ വരെയുള്ള ശമ്പളപരിഷ്‌കരണം നടപ്പാക്കിയിരുന്നു.
ഈ ശമ്പള വര്‍ദ്ധന ഏപ്രില്‍ മാസം മുതല്‍ ജോലിയില്‍ തുടര്‍ന്നവര്‍ക്ക് ലഭിച്ചിരുന്നു. ഇത് അംഗീകരിച്ചു തിരികെ ജോലിയില്‍ പ്രവേശിക്കാമെന്ന് യു എന്‍ എ വ്യക്തമാക്കിയതിനെത്തുടര്‍ന്നാണ് സമരം അവസാനിച്ചതെന്ന് ആശുപത്രി അധികൃതര്‍ അറിയിച്ചു. സമരക്കാര്‍ ഉന്നയിച്ച രീതിയുള്ള മാറ്റം അല്ല നടപ്പാക്കിയത്.
ആശുപത്രി പ്രവര്‍ത്തനങ്ങളുടെ പുനക്രമീകരണങ്ങള്‍ക്ക് അനുസരിച്ചു നഴ്‌സുമാരെ തിരികെ ജോലിയില്‍ പ്രവേശിപ്പിക്കാമെന്നും മാനേജ്‌മെന്റ് അറിയിച്ചു.
