മാന്ഹാട്ടന്: അമേരിക്കയിലെ മാന്ഹാട്ടനില് മുട്ടക്കച്ചവടക്കാരനായ ഒരു ബിസിനസുകാരന് മരണക്കിടക്കയില് കിടക്കവേ നാല് മക്കളെ അടുത്ത് വിളിച്ച് ഓരോരുത്തര്ക്കും ഒരു ലക്ഷം ഡോളര് വീതം നല്കി. എന്നിട്ട് പറഞ്ഞു:”നിങ്ങള് ഈ തുക കൊണ്ട് മുട്ടക്കച്ചവടം നടത്തൂ. ഒരു മാസം കൊണ്ട് ഏറ്റവും കൂടുതല് ലാഭമുണ്ടാക്കുന്ന ആള്ക്ക് ഞാന് സ്വത്തിന്റെ ഭൂരിഭാഗവും നല്കും”.
നാല് മക്കളും നാല് വ്യത്യസ്ത രീതികളിലാണ് മുട്ടക്കച്ചവടത്തിലേക്കിറങ്ങിയത്. മൂത്ത മകന് ജാക്ക് ആ പണം കൊണ്ട് ഒരു ഫാമും 500 നല്ല കോഴികളേയും വാങ്ങി. കഷ്ടപ്പെട്ട് പണിയെടുത്തു. മാസവസാനം 3000 ഡോളര് ലാഭമുണ്ടാക്കി. പക്ഷെ അദ്ദേഹം കഠിനാധ്വാനം കാരണം വല്ലാതെ അവശനായി ക്കഴിഞ്ഞിരുന്നു.കോഴിക്കൂടിന്റ നാറ്റം, ഒരു ദിവസവു അവധിയുമില്ല.
രണ്ടാമത്തെ മകള് മേരി കോഴികളെ വാങ്ങിയില്ല. പകരം മറ്റ് ഫാമുകളില് നിന്നും മുട്ടക്കോഴികളെ മാസത്തിന് അഞ്ച് ഡോളറിന് വാടകക്കെടുത്തു. നോക്കാന് പണിക്കാരെ നിയമിച്ചു. അവള്ക്ക് അധികം കഠിനാധ്വാനം ചെയ്യേണ്ടി വന്നില്ല. അങ്ങിനെ ഒരു ലക്ഷത്തിന് 2000 കോഴികളെ ലീസിനെടുത്ത് മുട്ട ശേഖരിച്ചു. മാസവസാനം മേരി 12000 ഡോളര് സമ്പാദിച്ചു
മൂന്നാമത്തെ മകന് മാര്ക്കസ് വമ്പന് റസ്റ്റോറന്റുകളേയും ബേക്കറികളെയും സമീപിച്ചു.വിപണി വിലയേക്കാള് പത്ത് ശതമാനം കുറവിന് മുട്ട നല്കാമെന്നും പകരം 30 ശതമാനം തുക അഡ്വാന്സായി നല്കാനും അവന് പറഞ്ഞു. സംശയിച്ചവരോട് അവന് തന്റെ അച്ഛന്റെ പേര് പറഞ്ഞപ്പോള് അവര്ക്ക് സംശയം ഉണ്ടായില്ല. അവരില് നിന്നും അവന് അഞ്ച് ലക്ഷം ഡോളര് വാങ്ങി ബിസിനസ് ചെയ്തു. ഒരു മാസം കൊണ്ട് .
ഒരു ലക്ഷത്തി 20000 ഡോളര് സമ്പാദിച്ചു.
നാലാമത്തെ മകന് ബില്ലി ഒരു കോഴിയെപ്പോലും വാങ്ങിയില്ല. മാര്ക്കറ്റ് പഠിച്ചു. ചെറുകിട കോഴിക്കച്ചവടക്കാരെയും ഉപഭോക്താക്കളെയും ബന്ധിപ്പിക്കുന്ന ഒരു ആപ് ഉണ്ടാക്കി. വാങ്ങുന്നവര്ക്ക് വിലക്കുറവില് മുട്ട ലഭിച്ചു. കര്ഷകര്ക്ക് കുറഞ്ഞ വിലയില് കോഴികളെയും കിട്ടി. ഇതുവഴി അവന് സമ്പാദിച്ചത് 1 ലക്ഷത്തി 400000 ഡോളര് ആണ്. സമ്പത്ത് വരുന്നത് കഠിനാധ്വാനത്തിലൂടെയല്ല, മികച്ച തന്ത്രത്തിലൂടെയാണ് എന്ന തത്വമാണ് ഈ അനുഭവ കഥ പറഞ്ഞുതരുന്നത്.
