തിരുവനന്തപുരം: ടി കെ ഗോവിന്ദനും വി കുഞ്ഞികൃഷ്ണനും തെറ്റുതിരുത്തിയാല് പാര്ട്ടിയിലേക്ക് വരാമെന്ന് സംസ്ഥാന സെക്രട്ടേറിയറ്റ് അംഗം എം വി ജയരാജന് പറഞ്ഞതിനെ തളളി സിപിഎം സംസ്ഥാന സെക്രട്ടറി എം വി ഗോവിന്ദന്.എം വി ജയരാജന് പറഞ്ഞത് ചര്ച്ചയായതോടെ വെട്ടിലായ പാര്ട്ടി ആ നിലപാട് തളളുകയായിരുന്നു.
ഓരോരുത്തരും ഓരോ ചാനലുകളിലായി പറയുന്നതിന് മറുപടി പറയേണ്ട കാര്യമില്ലെന്ന് വിഷയത്തില് സംസ്ഥാന സെക്രട്ടറി എം വി ഗോവിന്ദന് പറഞ്ഞു.പാര്ട്ടിയെ വഞ്ചിച്ചു.വര്ഗ വഞ്ചനയാണ് കാട്ടിയത്.ചതിയാണ്. സുധാകരനായാലും ടി കെ ഗോവിന്ദനായാലും കുഞ്ഞികൃഷ്ണനായാലും എടുത്ത നിലപാട് പാര്ട്ടിയെ വഞ്ചിക്കുന്നതാണ്. അത് കൃത്യമായി പാര്ട്ടി ചൂണ്ടിക്കാട്ടി. അതിശക്തമായി വിമര്ശിച്ചത് ഇനിയും ശക്തമായി തുടരും.
പ്രാദേശിക ചാനലിനോടാണ് ജയരാജന് കഴിഞ്ഞ ദിവസം ടി കെ ഗോവിന്ദനും വി കുഞ്ഞികൃഷ്ണനും തിരിച്ചു വരാമെന്ന് പറഞ്ഞത്.ഏത് ഘട്ടത്തിലാണ് തെറ്റ് തിരുത്തിയാല് പാര്ട്ടി അത്തരം ആളുകളോട് പൊറുക്കാത്തതെന്ന് എം വി ജയരാജന് ചോദിച്ചു.യഥാര്ഥത്തില് കമ്യൂണിസ്റ്റുകാരുടെ ഈയൊരു പ്രത്യേകത നമ്മള് കാണണം. ഒരിക്കല് നയപരമായി അവര്ക്ക് തെറ്റുപറ്റി. സംഘടനാപരമായി തെറ്റുപറ്റി. എന്നുകരുതി ഒരിക്കലും കമ്യൂണിസ്റ്റുകാരായ പഴയ ആളുകളെ മുഴുവന് ഒറ്റപ്പെടുത്തി മുന്നോട്ട് പോകുന്നവരല്ല തങ്ങള്.
ആ രാഷ്ട്രീയത്തെ എതിര്ക്കും. അന്നത്തെ നിലപാടിനെ എതിര്ക്കും. പാര്ട്ടിയെ വഞ്ചിക്കുന്നവരെ വര്ഗ വഞ്ചകരായിട്ടാണ് കാണുക. നാളെ നിലപാടുകള് തിരുത്തി പാര്ട്ടിയുമായി സഹകരിക്കാന് വരുമ്പോള് അത് വേണ്ട എന്ന് വെക്കുന്ന പാര്ട്ടിയല്ല കമ്യൂണിസ്റ്റ് പാര്ട്ടി – എം വി ജയരാജന് വ്യക്തമാക്കി.
