തിരുവനന്തപുരം : 38 വര്ഷത്തിനു ശേഷം ആദ്യകാല ചലച്ചിത്ര നടി ലിസി വീണ്ടും കാമറയ്ക്കു മുന്നിലേക്കെത്തി. അതും പ്രിയദര്ശന്റെ സംവിധാനത്തില്. 1990 ഡിസംബറില് വിവാഹിതരായ പ്രിയദര്ശനും ലിസിയും 2016ല് വേര്പിരിഞ്ഞിരുന്നു. തുടര്ന്ന് അടുത്തകാലത്താണ് വീണ്ടും ഒന്നിച്ചത്.
സ്വര്ണ്ണവ്യാപാര സ്ഥാപനത്തിനു വേണ്ടി പ്രിയദര്ശന് തയ്യാറാക്കുന്ന പരസ്യ ചിത്രത്തിലാണ് ലിസി അഭിനയിക്കുന്നത്. ഇതിന്റെ മേക്കിങ് വീഡിയോ സമൂഹമാധ്യമങ്ങളിലൂടെ പുറത്തുവന്നതോടെ വലിയ സ്വീകാര്യതയാണ് ലിസിക്കു ലഭിക്കുന്നത്. മകള് കല്യാണി പ്രിയദര്ശനും ലിസിക്കൊപ്പം അഭിനയിക്കുന്നുണ്ട്.
സെറ്റില് വച്ച് പ്രിയദര്ശനെ ലിസി ആലിംഗനം ചെയ്ത് സംസാരിക്കുന്നതും സ്ക്രിപ്റ്റ് പറഞ്ഞു കൊടുക്കുന്നതും മേക്കിങ് വീഡിയോയില് കാണാം.
