ഹെര്നന് അല്ബെര്ട്ടോ ഗില്ലിനെ രക്ഷപ്പെടുത്തിയപ്പോള്
ന്യൂദല്ഹി: വെനിസ്വേലയില് ജൂണ് 24നുണ്ടായ ഇരട്ട ഭൂകമ്പത്തില് തകര്ന്ന ഷോപ്പിങ് മാളിന്റെ അവശിഷ്ടങ്ങള്ക്കിടയില് കുടുങ്ങിയ ആളെ രക്ഷപ്പെടുത്തി. 43 കാരനായ ഹെര്നന് അല്ബെര്ട്ടോ ഗില് ഫ്ലോറന്സിനെയാണ് സുരക്ഷാസേന ഏകദേശം 140 ടണ് അവശിഷ്ടങ്ങള്ക്കിടയില് നിന്ന് എട്ട് ദിവസത്തോളം നീണ്ട അക്ഷീണപ്രവര്ത്തനത്തിനൊടുവില് രക്ഷപ്പെടുത്തിയത്.
കെട്ടിടത്തിന്റെ ബേസ്മെന്റിലുണ്ടായിരുന്ന കാബിനിലാണ് ഹെര്നന് ദിവസങ്ങളോളം തങ്ങിയിരുന്നത്. രക്ഷാപ്രവര്ത്തനത്തിനിടെ സംഘം കാബിന് കണ്ടെത്തുകയായിരുന്നു. ഇടുങ്ങിയ ദ്വാരത്തിലൂടെ ഭക്ഷണവും വെള്ളവും എത്തിച്ച് ഇദ്ദേഹവുമായി സംസാരിച്ചു. ഇതിനിടയിലുണ്ടായ കനത്ത മഴയെയും തുടര് ഭൂചലനങ്ങളെയും അതിജീവിച്ചായിരുന്നു ദൗത്യം. ഇയാളെ ആശുപത്രിയിലേക്ക് മാറ്റി.
വെനിസ്വേല ഇരട്ട ഭൂകമ്പത്തില് ഇതുവരെ 2,300 ലധികം പേര് മരിക്കുകയും ആയിരത്തിലധികം കെട്ടിടങ്ങള് തകരുകയും ചെയ്തു.
