തിരുവനന്തപുരം:ബിജെപിയില്‍ നിന്നും താന്‍ പണം വാങ്ങിയെന്ന ആരോപണം അമ്മ ജനറല്‍ ബോഡി യോഗത്തില്‍ നടത്തിയ നടന്‍ ബാബുരാജിനതിരെ കോടതിയെ സമീപിക്കുമെന്ന് നടി ശ്വേതാമേനോന്‍ അറിയിച്ചു.
ശ്വേതാമേനോനൊപ്പം അമ്മയുടെ എക്സിക്യൂട്ടീവ് കമ്മിറ്റിയില്‍ സരയൂ, അഞ്ജി നായര്‍, ലക്ഷ്മിപ്രിയ തുടങ്ങി ബിജെപി ചായ് വുള്ള ഒരു പിടി സ്ത്രീകള്‍ കടന്നുവന്നത് അമ്മയിലെ ഒരു ഗ്രൂപ്പിനെ ചൊടിപ്പിച്ചിരുന്നു. ഇക്കാര്യം ഉന്നയിച്ച് ശ്വേതാമേനോനെ കുടുക്കാനാണ് ബാബുരാജ് സംഘപരിവാര്‍ വിഷയം എടുത്തിട്ടത്.
ശ്വേതാമേനോന്‍ ബിജെപിക്കാരെ അമ്മ എക്സിക്യൂട്ടീവ് കമ്മിറ്റിയില്‍ എത്തിക്കാന്‍ പണം വാങ്ങിയെന്നാണ് അമ്മ ജനറല്‍ ബോഡി യോഗത്തില്‍ ബാബുരാജ് പറഞ്ഞത്. അമിത് ഷായില്‍ നിന്നും ശ്വേതാമേനോന്‍ ഇതിനായി പണം വാങ്ങിയെന്നാണ് ബാബുരാജ് പറഞ്ഞതെന്ന് കഴിഞ്ഞ ദിവസം ലക്ഷ്മിപ്രിയ ആരോപിച്ചിരുന്നു.
എന്തായാലും ഇക്കാര്യത്തില്‍ ബാബുരാജിനെതിരെ കോടതിയില്‍ പോകാനാണ് തീരുമാനമെന്ന് ശ്വേതാമേനോന്‍ അറിയിച്ച് കഴിഞ്ഞു.
