ന്യൂദല്‍ഹി:: രണ്ടാമതൊരു ഓപ്പറേഷന്‍ സിന്ദൂര്‍ തടയാനുള്ള കെല്‍പ് പാകിസ്ഥാനില്ല. ഒരു ഭാഗത്ത് പിഒകെയില്‍ ഷൗകത്ത് നവാസ് മീറിന്റെ നേതൃത്വത്തില്‍ ജോയിന്‍റ് അവാമി ആക്ഷന്‍ കമ്മിറ്റി പാകിസ്ഥാന് പട്ടാളവുമായി ശക്തമായ ഏറ്റുമുട്ടലിലാണ്. ഇവിടുത്തെ സാമ്പത്തികമായ ദയനീയാവസ്ഥയാണ് സ്ത്രീകളെ ഉള്‍പ്പെടെ ഇറങ്ങി സ്വാതന്ത്ര്യത്തിന് വേണ്ടി പാകിസ്ഥാന് പട്ടാളത്തോട് പൊരുതാന്‍ പ്രേരിപ്പിച്ചത്. മറ്റൊരു ഭാഗത്ത് ബെലൂച് ആര്‍മിയുടെയും തെഹ്രീക് ഇ താലിബാന്‍ പാകിസ്ഥാന്റെയും (ടിടിപി) ജമാഅത്ത് ഉള്‍ അഹ്രാറിന്റെയും (ജെയുഎ) അനുയായികള്‍ പാകിസ്ഥാന് സര്‍ക്കാരിന് വലിയ തലവേദന സൃഷ്ടിക്കുകയാണ്. തുടര്‍ച്ചയായ സ്ഫോടനപരമ്പരകളാല്‍ പാകിസ്ഥാന് പൊറുതി മുട്ടിയിരിക്കുന്നു. ഓപ്പറേഷന്‍ സിന്ദൂര്‍ ഒന്നിനും പഹല്‍ഗാം ആക്രമണത്തിനും ശേഷം ഇന്ത്യ ഏര്‍പ്പെടുത്തിയിരിക്കുന്ന ഉപരോധവും ജലം വിട്ടുനല്‍കില്ലെന്ന ഭീഷണിയും പാകിസ്ഥാനെ അങ്ങേയറ്റം തളര്‍ത്തിയിരിക്കുകയാണ്.
ഇതിനിടെ മറ്റൊരു ഓപ്പറേഷന്‍ സിന്ദൂര്‍ ഇന്ത്യ നടത്തിയാല്‍ ഇപ്പോഴേ ഛിന്നഭിന്നമായ പാകിസ്ഥാന് ഒന്നുകൂടി തകരും. ഇതുകൊണ്ട് ഇന്ത്യയുമായി നേരിട്ടുള്ള ഒരു യുദ്ധത്തില്‍ നിന്നും പാകിസ്ഥാനെ രക്ഷിക്കാനും പാകിസ്ഥാന്റെ പ്രതിച്ഛായ ഉയര്‍ത്തി നിര‍്ത്താനും സോണിയാഗാന്ധിയും 60ഓളം രാഷ്‌ട്രീയക്കാരും ബുദ്ധിജീവികളും ഉള്‍പ്പെട്ട സംഘവും ഇറങ്ങിയിരിക്കുന്നത്.
മണിശങ്കര്‍, മെഹ്ബൂബ് മുഫ്തി, ഫാറുഖ് അബ്ദുള്ള ഉള്‍പ്പെടെയുള്ള 60 രാഷ്‌ട്രീയക്കാരും ബുദ്ധിജീവികളും മോദിക്ക് കത്തെഴുതി ആവശ്യപ്പെട്ടിരിക്കുന്നത് ഇനിയൊരു ഇന്ത്യാ-പാക് യുദ്ധം ഒഴിവാക്കണമെന്നാണ്. ഇതുവരെ ഇന്ത്യയ്‌ക്കെതിരെ പാകിസ്ഥാന് തീവ്രവാദിസംഘടനകള്‍ ആക്രമണം അവിച്ചുവിടുമ്പോള്‍ അതിനെ ഒരിയ്‌ക്കല്‍ പോലും അപലപിക്കാത്തവരാണ് ഈ സംഘത്തിലെ 60 പേരും എന്നോര്‍ക്കണം. ഇപ്പോള്‍ പാകിസ്ഥാന് ദുര്‍ബലമായ സമയത്ത്, ഇന്ത്യയില്‍ നിന്നും ഇനിയൊരു തിരിച്ചടി പാകിസ്ഥാന് താങ്ങാനാവില്ലെന്ന സമയത്ത് പാകിസ്ഥാനെ രക്ഷിക്കാന്‍ ഇവര്‍ ഇറങ്ങിയിരിക്കുന്നത്. പാകിസ്ഥാനോടുള്ള ഇന്ത്യയ്‌ക്കുള്ളിലെ രാഷ്‌ട്രീയക്കാര്‍ക്കുള്ള കൂറ് കാണുമ്പോള്‍ ഇന്ത്യ ഞെട്ടുകയാണ്.
സോണിയാഗാന്ധി പാകിസ്ഥാന്റെ പ്രതിച്ഛായ ഉയര്‍ത്താനുള്ള ശ്രമമാണ് നടത്തിയത്. പശ്ചിമേഷ്യയില്‍ ഇറാന്‍ യുദ്ധത്തില്‍ ഇന്ത്യയുടെ പ്രതിച്ഛായ ഇല്ലാതായെന്നും പാകിസ്ഥാന്റെ പ്രതിച്ഛായ ഉയര്‍ന്നുവെന്നുമാണ് സോണിയാഗാന്ധി പറഞ്ഞത്. ഇറാനുമായുള്ള ചര്‍ച്ചകളില്‍ പാകിസ്ഥാനെ ഉള്‍പ്പെടുത്തിയത് ട്രംപിന്റെ തന്ത്രമാണെന്ന് എല്ലാവര്‍ക്കുമറിയാം. ഇന്ത്യയുടെ പ്രാധാന്യം കുറച്ചുകാണിക്കാനായിരുന്നു ട്രംപ് ഇത് ചെയ്തത്. പക്ഷെ അതിനെയാണ് സോണിയാഗാന്ധി പാകിസ്ഥാന്റെ പ്രതിച്ഛായ ഉയര്‍ന്നുവെന്ന് വിലയിരുത്തുന്നത്.
പാകിസ്ഥാന് പശ്ചിമേഷ്യയിലെ മുസ്ലിം രാജ്യങ്ങള്‍ക്കിടയില്‍ പ്രാധാന്യം വര്‍ധിച്ചെന്നാണ് സോണിയാഗാന്ധി പറഞ്ഞത്. പക്ഷെ ഇത് തെറ്റാണ്. ഇറാന്‍, യുഎഇ, ഒമാന്‍ തുടങ്ങിയ അറബ് രാജ്യങ്ങള്‍ക്ക് ഇന്ത്യയോടുള്ള മതിപ്പ് വര്‍ധിക്കുകയാണ് ചെയ്തിരിക്കുന്നത്.
