കണ്ണൂര് : പി.ടി പിരീഡില് കളിക്കാന് എത്താത്തതിന് കായികാധ്യാപകന് ക്രൂരമായി മര്ദിച്ചെന്ന് പരാതി.പയ്യന്നൂരില് ആണ് എട്ടാം ക്ലാസുകാരന് മര്ദ്ദനമേറ്റത്. സംഭവത്തില് തായിനേരി എസ് എ ബി ടി എം സ്കൂളിലെ അധ്യാപകന് രഘുവിനെതിരെ പൊലീസ് കേസെടുത്തു.
ജൂണ് 22ന് രാവിലെ 11 മണിയോടെ സ്കൂള് മൈതാനത്താണ് സംഭവം.സഹപാഠികളുടെ മുന്നില് വച്ച് വിദ്യാര്ഥിയെ തടഞ്ഞു നിര്ത്തി കൈകൊണ്ടും വടികൊണ്ടും അടിച്ച് പരിക്കേല്പ്പിച്ചെന്നാണ് പരാതി.
മുതുകിലും കാലിനും മര്ദിച്ചതായും കഴുത്തിന് പിടിച്ച് പരിക്കേല്പ്പിച്ചതായും രക്ഷിതാക്കള് പറഞ്ഞു. സ്കൂള് അധികൃതര് ഒത്തുതീര്പ്പിന് ശ്രമിച്ചതായും വിദ്യാര്ഥിയുടെ അമ്മ പറഞ്ഞു.
