ഭോപ്പാല്: വൈറല് താരം മൊണാലിസയെ വിവാഹം ചെയ്തതുമായി ബന്ധപ്പെട്ട പോക്സോ കേസിലെ പ്രതി മുഹമ്മദ് ഫര്മാന് ഖാന് മധ്യപ്രദേശിലെ പോക്സോ കോടതി മുന്കൂര് ജാമ്യം നിഷേധിച്ചു.
പ്രായപൂര്ത്തിയാകാത്ത പെണ്കുട്ടിയെ കേരളത്തിലേക്ക് തട്ടിക്കൊണ്ടുവന്ന് സിപിഎം നേതാക്കളുടെ സഹായത്തോടെ സിപിഎം നേതാക്കള് തന്നെ തിരുവനന്തപുരത്തെ ഒരു ക്ഷേത്രത്തില് വച്ച് വിവാഹം നടത്തിക്കൊടുക്കുകയായിരുന്നു. തുടര്ന്ന് പെണ്കുട്ടിയുടെ മാതാപിതാക്കള് നല്കിയ പരാതി പ്രകാരം മധ്യപ്രദേശിലെ മഹേശ്വര് പോലീസ് പോക്സോ കേസ് എടുത്തു.
മൊണാലിസയും ഫര്മാന് ഖാനും കേരളത്തില് എവിടെയോ ഒളിച്ചു താമസിക്കുകയാണെന്നാണ് സൂചന.
ഫര്മാന് ഖാന്റെ കള്ളക്കളി
മധ്യപ്രദേശ് കോടതി മുന്കൂര് ജാമ്യം നിഷേധിച്ച കാര്യം മറച്ചു വച്ച് തന്റെ അറസ്റ്റ് വിലക്കിയുള്ള കേരളം ഹൈക്കോടതിയുടെ ഉത്തരവ് നീട്ടി നല്കമെന്നാവശ്യപ്പെട്ട് ഫര്മാന് ഖാന് അടിയന്തരമായി ഹൈക്കോടതിയെ സമീപിച്ചു. മധ്യപ്രദേശ് സര്ക്കാരിന്റെ കേരളം ഹൈക്കോടതിയിലെ അഭിഭാഷകന് അഡ്വ. വി. സജിത്കുമാര് ഇതിനെ എതിര്ത്തു. ഹര്ജി ഇന്ന് പരിഗണിക്കും.
