ന്യൂദല്ഹി: വാട്ട്സ്ആപ്പില് മൊബൈല് ഫോണ് നമ്പറുകള് വെളിപ്പെടുത്താതെ യൂസര്നെയിം ഉപയോഗിച്ച് ചാറ്റു ചെയ്യാന് സഹായിക്കുന്ന സംവിധാനം
അവതരിപ്പിക്കുന്നത് സംബന്ധിച്ച് കേന്ദ്രസര്ക്കാര് മെറ്റ കമ്പനിയ്ക്ക് നോട്ടീസയച്ചു. സര്ക്കാരുമായുള്ള കൂടിയാലോചനകള് പൂര്ത്തിയാകുന്നതുവരെ ഇത് ആരംഭിക്കരുതെന്ന് കമ്പനിയോട് നിര്ദ്ദേശിച്ചിട്ടുണ്ട്. മൂന്ന് ദിവസത്തിനുള്ളില് വിശദമായ റിപ്പോര്ട്ട് സമര്പ്പിക്കാനും ആവശ്യപ്പെട്ടു.
യൂസര്നെയിമിനു പിന്നില് മറഞ്ഞിരുന്ന് ക്രിമിനലുകള്ക്ക് അടക്കം സന്ദേശമയയ്ക്കാന് അവസരമൊരുങ്ങുന്നതിലൂടെ ഓണ്ലൈന് തട്ടിപ്പ്, ഫിഷിംഗ്, ഡിജിറ്റല് അറസ്റ്റ് , ആള്മാറാട്ട തട്ടിപ്പുകള് എന്നിവ ഗണ്യമായി വര്ദ്ധിപ്പിക്കാന് സാധ്യതയുണ്ടെന്ന് ‘ കേന്ദ്രസര്ക്കാര് നോട്ടീസില് ചൂണ്ടിക്കാട്ടി.
വാട്ട്സ്ആപ്പിന്റെ ഏറ്റവും വലിയ വിപണികളിലൊന്നാണ് ഇന്ത്യ. നിലവില് 500 ദശലക്ഷത്തിലധികം ഉപയോക്താക്കളുണ്ട്.
