തിരുവനന്തപുരം : ആർ എസ് എസിനെ ആക്രമിച്ചാൽ മുസ്ലീം വോട്ട് കിട്ടുമെന്നാണ് ചിലർ ചിന്തിക്കുന്നതെന്ന് രാഷ്ട്രീയ നിരീക്ഷകൻ ടി ജി മോഹൻദാസ്. സ്വകാര്യ ചാനലിന് നൽകിയ അഭിമുഖത്തിലാണ് അദ്ദേഹത്തിന്റെ പ്രതികരണം.
‘ മുഖ്യമന്ത്രി വിഡി സതീശന് സത്യത്തിൽ ആർ എസ് എസിനോട് വിരോധമില്ല. അതുകൊണ്ടാണ് അദ്ദേഹം ഗോൾവർക്കറുടെ ചിത്രത്തിന് മുന്നിൽ വിളക്ക് തെളിയിച്ചത്. മുസ്ലീങ്ങൾക്ക് എന്തെങ്കിലും സഹായം ചെയ്യണമെന്ന ആഗ്രഹം . അതിന് വേണ്ടി ഇവർ കണ്ടെത്തുന്ന മാർഗം ആർ എസ് എസിനെ ആക്രമിക്കുക എന്നതാണ്. ആർ എസ് എസിനെ ആക്രമിച്ചാൽ മുസ്ലീം വോട്ട് കിട്ടുമെന്ന് ഇവർ വിചാരിക്കുന്നു. എന്നാൽ കുറച്ച് കാലം കഴിഞ്ഞാൽ ആർ എസ് എസിനെ ആക്രമിച്ചാൽ മുസ്ലീം,ക്രിസ്ത്യൻ വോട്ടുകൾ കിട്ടില്ലെന്ന് മാത്രമല്ല ഹിന്ദുക്കളുടെ വോട്ടുകൾ നഷ്ടമാകുകയും ചെയ്യും .
രാജ്യത്ത് ഇപ്പോൾ ദേശീയ വികാരം കൂടി കൂടി വരുന്നു. ദേശീയ വികാരം വർധിപ്പിച്ചാൽ ഏത് പാർട്ടിയ്ക്ക് ഗുണം കിട്ടും അവർ വളരും . കോൺഗ്രസിനും ഇങ്ങനെ ശ്രമിച്ചാൽ വളരാം. കമ്യൂണിസ്റ്റുകാർക്കും വളരാം.
ബിജെപി കേരളത്തിൽ കൃത്യമായി പ്രവർത്തിക്കുകയും അവർ വിജയം കാണുകയും ചെയ്യും. മോഹൻ ഭാഗവതിന് എന്തിന് സുരക്ഷ നൽകുന്നുവെന്ന് ചോദിക്കുന്നവർ അദ്ദേഹത്തിന് എന്തെങ്കിലും സംഭവിച്ചാൽ സമൂഹത്തിൽ ഉണ്ടാകുന്ന പ്രശ്നങ്ങൾ മനസിലാക്കണം .
ഇതൊക്കെ ഒരു ഫ്രസ്ട്രേഷൻ ആണ് . ഇത്രയേറെ ചെയ്തിട്ടും അവർക്ക് ഇഷ്ടമില്ലാത്ത ഒരു സംഘടന കേന്ദ്രത്തിൽ അധികാരത്തിൽ വന്നു. ഒരുപാട് സംസ്ഥാനങ്ങളിൽ അധികാരത്തിൽ വന്നു. ഇത്രയേറെ വെറുപ്പുണ്ടാക്കുന്ന പരിപാടികൾ ചെയ്തിട്ടും കേരളത്തിൽ മൂന്ന് സീറ്റ് കിട്ടി. വൈസ് ചാൻസലർമാർ ആർ എസ് എസ് പരിപാടിയിൽ മോഹൻ ഭാഗവത് പറയുന്നത് കേൾക്കാൻ പോകുന്നു. ഇത് അവർക്ക് താങ്ങാൻ പറ്റുന്നില്ല . അങ്ങനെയുള്ളവരെ നമ്മൾ ദയയോടെ കാണണം .അവരുടെ സമ്മർദ്ദം നമ്മൾ ആലോചിക്കണം. കിടന്നാൽ അവർക്ക് ഉറക്കമില്ല. കാരണം അവർക്കൊട്ടും ഇഷ്ടമില്ലാത്ത സംഘടന വളർന്ന് വളർന്ന് വരുന്നു. എന്നാൽ വിരോധഭക്തി കാണിച്ച് ഒടുവിൽ അവർ അതിന്റെ ഭക്തന്മാരായി മാറും.
കഠിനാധ്വാനം, സ്ഥിരോത്സാഹം അതാണ് ആർ എസ് എസിന്റെ വളർച്ചയുടെ കാതൽ . നൂറ് വർഷം എന്നത് ഒരു പുരുഷായുസാണ്. ആര് വിമർശിച്ചാലും ചെയ്യാനുള്ളതിൽ ശ്രദ്ധ കേന്ദ്രീകരിച്ച് മുന്നോട്ട് പോകുക എന്നതിലാണ് ആർ എസ് എസ് വിജയം. “ എന്നും അദ്ദേഹം പറയുന്നു.
