ന്യൂദല്ഹി: വിദേശ സംഭാവന നിയന്ത്രണ നിയമത്തിലെ വ്യവസ്ഥകള് ലംഘിച്ചതിന് കേന്ദ്രസര്ക്കാര് കഴിഞ്ഞ 12 വര്ഷം കൊണ്ട് രജിസ്ട്രേഷന് റദ്ദാക്കിയത് 21,000 ലേറെ സന്നദ്ധ സംഘടനകളുടെ. 40,000 ലേറെ സംഘടനകളാണ് വിദേശ സംഭാവനകള് വാങ്ങിയിരുന്നത്. കയ്യും കണക്കുമില്ലാത്ത, കൃത്യമായ വരവ് ചെലവുകള് സമര്പ്പിക്കാത്ത, കണക്കുകള് ഓഡിറ്റ് ചെയ്യാത്ത, ചട്ടങ്ങള് ലംഘിച്ച സംഘടനകളുടെ രജിസ്ട്രേഷനാണ് കേന്ദ്ര ആഭ്യന്തര മന്ത്രാലയം റദ്ദാക്കിയത്.
അപേക്ഷ പുതുക്കാതെ, അല്ലെങ്കില് പുതുക്കാന് കേന്ദ്രം അനുവദിക്കാതെ ലൈസന്സ് പോയത് 6000 സംഘടനകളുടെയാണ്. വര്ഷങ്ങളായി കണക്ക് നല്കാത്തതിനെത്തുടര്ന്ന് കേന്ദ്രം അനുമതി റദ്ദാക്കിയത് പതിനായിരത്തിലേറെ സംഘടനകളുടെയാണ്. ഫണ്ടിന്റെ ദുരുപയോഗം, മതപരിവര്ത്തനം, രാഷ്ട്രീയക്കളി എന്നിവയ്ക്ക് പണം ഉപയോഗിച്ചതിനാലാണ് ഇവയില് പലവയുടേയും അനുമതി റദ്ദാക്കിയത്. അതിലൊന്നാണ് ആംനസ്റ്റി ഇന്റര്നാഷണല് ഇന്ത്യ. സെന്റര് ഫോര് പേണ്ടാളിസി റിസര്ച്ച്, ഓക്സ്ഫാം ഇന്ത്യ എന്നിയാണ് അനുമതി നഷ്ടമായ ചില പ്രധാന സംഘടനകള്.
കേരളത്തില് 655
കഴിഞ്ഞ 12 വര്ഷത്തിനുള്ളില് കേരളത്തിലെ 655 സംഘടനകള്ക്ക് വിദേശ സംഭാവന വാങ്ങാനുള്ള ലൈസന്സ് നഷ്ടമായി. മര്ക്കസുള് ഇഗസാത്തില് കൈരിയാത്തില് ഹിന്ദിയ, ഇവാന്ജലിക്കല് ഫെലോഷിപ്പ് ഓഫ് ഇന്ത്യ, വൊളന്ററി ഹെല്ത്ത് അസോസിഷേന് ഓഫ് ഇന്ത്യ, ഇന്ഡോ ഗ്ലോബല് സോഷ്യല് സര്വ്വീസ് സൊസൈറ്റി, ജനശ്രീ സസ്റ്റെയ്നബിള് ഡവലപ്മെന്റ്മിഷന് എന്നിവ അവയില് ചിലതാണ്.
