ബെംഗളൂരു: ആര്എസ്എസിനെതിരെ നടത്തിയ പരാമര്ശത്തിന് കര്ണാടക ആഭ്യന്തരമന്ത്രിയും കോണ്ഗ്രസ് ദേശീയാദ്ധ്യക്ഷന് മല്ലികാര്ജുന് ഖാര്ഗെയുടെ മകനുമായ
പ്രിയങ്ക് ഖാര്ഗെ, യൂത്ത് കോണ്ഗ്രസ് നേതാവ് മുഹമ്മദ് നാലാപാട് എന്നിവര്ക്കെതിരെയുള്ള ക്രിമിനല് മാനനഷ്ടക്കേസ് നിലനില്ക്കുമെന്ന് ബംഗളൂരു കോടതി. ബിഎന്എസ് സെക്ഷന് 356 പ്രകാരം ക്രിമിനല് അപകീര്ത്തിപ്പെടുത്തല് കുറ്റത്തിന് ഖാര്ഗെയ്ക്കും നാലപാടിനും അഡീഷണല് ചീഫ് ജുഡീഷ്യല് മജിസ്ട്രേറ്റ് കോടതി നോട്ടീസ് അയച്ചു. അതേസമയം
മുന് കര്ണാടക മന്ത്രി ദിനേശ് ഗുണ്ടു റാവുവിനെ നടപടിയില് നിന്ന് ഒഴിവാക്കി.
2025 ഒക്ടോബറില് ആര്എസ്എസിനെയും സ്വയം സേവകരെയും ലക്ഷ്യമിട്ട് പ്രതികള് നടത്തിയ അശ്ലീലവും അപമാനകരവും അപകീര്ത്തികരമായ പ്രസ്താവനകള്ക്കെതിരെയാണ് ബംഗളൂരു സ്വദേശിയായ എ തേജസ് ഹര്ജി നല്കിയത്.
പ്രതികളില് ആരും തന്നെ പരാമര്ശങ്ങള് പിന്വലിക്കുകയോ മാപ്പ് പറയുകയോ ചെയ്തിട്ടില്ലെന്നും, അവ ഇപ്പൊഴും ഓണ്ലൈനില് ലഭ്യമാണെന്നും ഹര്ജിയില് ചൂണ്ടിക്കാട്ടിയിട്ടുണ്ട്.
