സമുദ്ര സുരക്ഷ ലക്ഷ്യമിട്ട് 40- രാജ്യങ്ങൾക്കൊപ്പം നാവികാഭ്യാസം നടത്തുകയാണ് ഇന്ത്യ . ഓപ്പറേഷൻ സതേൺ റെഡിനസ് എന്ന പേരിൽ നടത്തുന്ന ബഹുരാഷ്ട്ര പരിശീലന അഭ്യാസമാണിത്. ഇന്ത്യൻ നാവികസേനയുടെ നേതൃത്വത്തിലുള്ള കമ്പൈൻഡ് ടാസ്ക് ഫോഴ്സ് 154 (CTF 154) ന് കീഴിൽ കമ്പൈൻഡ് മാരിടൈം ഫോഴ്സുമായി (CMF) സഹകരിച്ച് നാല് ദിവസത്തെ ബഹുരാഷ്ട്ര പരിശീലന അഭ്യാസം നടത്തും
CMF ന്റെ സമർപ്പിത പരിശീലന ടാസ്ക് ഫോഴ്സാണ് CTF 154. 40-ലധികം രാജ്യങ്ങളുടെ പങ്കാളിത്തമുള്ള ബഹുരാഷ്ട്ര സമുദ്ര സംഘടനയായ സിഎംഎഫുമായുള്ള ഇടപെടലിലൂടെ, പ്രാദേശിക ശേഷി വികസനത്തിനും കൂട്ടായ സമുദ്ര സുരക്ഷയ്ക്കുമുള്ള നീക്കങ്ങളാണ് ഇന്ത്യ ലക്ഷ്യമിടുന്നത്.പ്രൊഫഷണൽ പരിശീലനം, പ്രായോഗിക അനുഭവം, സമുദ്ര സുരക്ഷയുമായി ബന്ധപ്പെട്ട വിദ്യകളുടെ കൈമാറ്റം എന്നിവയാണ് അഭ്യാസത്തിനൊപ്പം നടക്കുക.
ഇന്ത്യൻ നാവികസേനയുടെ അഭിപ്രായത്തിൽ, ഓപ്പറേഷൻ സതേൺ റെഡിനസ് 26-2 ൽ ആധുനിക പരിശീലന സൗകര്യങ്ങൾ, അത്യാധുനിക സിമുലേറ്ററുകൾ, നൂതന പരിശീലന രീതികൾ, പ്രൊഫഷണൽ വൈദഗ്ദ്ധ്യം എന്നിവ പ്രദർശിപ്പിക്കും. കൊച്ചിയിലെ സതേൺ നേവൽ കമാൻഡിലാണ് ഈ പരിപാടി സംഘടിപ്പിക്കുന്നത്
