ആലപ്പുഴ: കുട്ടനാട് എം എല്‍ എ റെജി ചെറിയാന്റെ കാറും ബൈക്കും കൂട്ടിയിടിച്ച് യുവാവിന് ഗുരുതര പരിക്കേറ്റു. നെടുമുടി, ആശാരി പറമ്പില്‍ 22 കാരനായ സുനീഷിനാണ് ഗുരുതരമായി പരിക്കേറ്റത്.ഇയാളെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.
എസി റോഡില്‍ ചമ്പക്കുളത്ത് വെച്ചായിരുന്നു അപകടം. അതേസമയം എംഎല്‍എ മദ്യപിച്ച് വാഹനം ഓടിച്ചെന്ന് ഡി വൈ എഫ് ഐ ജില്ലാ പ്രസിഡന്റ് അപകടത്തിന് പിന്നാലെ ആരോപിച്ചു.
എന്നാല്‍ തന്റെ ഡ്രൈവറാണ് വാഹനമോടിച്ചത് എന്നാണ് എം എല്‍ എ പറയുന്നത്.പൊലീസിനെ വിളിച്ചതും താനാണെന്ന് അദ്ദേഹം പറഞ്ഞു.
