ബംഗളൂരു: സാമ്പത്തിക പിന്നാക്കാവസ്ഥയില്ലാത്ത ഭാര്യമാര്ക്ക് ജീവനാംശം നല്കേണ്ടെന്ന് കര്ണാടക ഹൈക്കോടതി. ഭാര്യയുടെ സാഹചര്യങ്ങള് വിലയിരുത്തി വേണം വിവാഹമോചന കേസുകളില് ജീവനാംശം നല്കേണ്ടതെന്ന് ജസ്റ്റിസ് ചില്ലാക്കൂര് സുമലത വ്യക്തമാക്കി. ഭാര്യമാരെ എപ്പോഴും ഭര്ത്താക്കന്മാര് പരിപാലിക്കണമെന്ന ലിംഗപരമായ അനുമാനങ്ങളില് കുടുംബ കോടതികള് സ്വാധീനിക്കപ്പെടരുത്.
ഭാര്യയുടെ സാമ്പത്തികനില മെച്ചപ്പെട്ടതായിരിക്കുകയും ഭര്ത്താവിന്റെ വരുമാനത്തേക്കാള് കൂടുതലായിരിക്കുകയും കുട്ടികളെ പരിപാലിക്കുന്നത് പോലുള്ള മറ്റ് ബാധ്യതകള് ഇല്ലാതിരിക്കുകയും ചെയ്യുന്ന സാഹചര്യങ്ങളില് കോടതികള് ജീവനാംശം അനുവദിക്കുന്ന ഉത്തരവ് പുറപ്പെടുവിക്കാന് പാടില്ലെന്ന് ഹൈക്കോടതി വ്യക്തമാക്കി.
വിവാഹമോചിതയായ ഭാര്യയ്ക്ക് ഇടക്കാല ജീവനാംശമായി 20,000 രൂപ നല്കണമെന്ന് നിര്ദ്ദേശിച്ച വിചാരണ കോടതി ഉത്തരവ് റദ്ദാക്കിക്കൊണ്ടാണ് ഈ നിരീക്ഷണം നടത്തിയത്.
സാമ്പത്തിക പിന്നാക്കാവസ്ഥയില്ലാത്ത ഭാര്യമാര്ക്ക് ജീവനാംശം നല്കേണ്ടെന്ന് കര്ണാടക ഹൈക്കോടതി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.